13 MAR 2016
大爺"蚊"型生日PARTY
由於大爺正日生日唔係香港, 所以提早訂個蛋糕同佢慶祝
其實本身都無諗住訂蛋糕, 哈哈哈!諗住去旅行就當係佢生日禮物喇嘛!
但佢有一日扮個慘樣話佢今年想要個麥坤蛋糕
咁我話唔麥坤得唔得, 因為我企圖想去美心買個算(屋企有餅咭XD)
咁佢又話"咁算啦~都得既!!~~~((停左陣))~~~不過其實我最鐘意麥坤~~"
仲要啲語氣好慘個種喎!!!
見佢咁慘, 我就心軟左應承佢~
雖然我較HEA, 但我都淘左生日旗同枱布襯返個蛋糕
不過唔記得睇下SIZE, 淘到返黎大塊左~
大爺當個蛋糕係泥膠咁玩,啲英文字都俾佢"蚊"左出黎=.=
我真係no eye see啊~~
我地本身連禮物都無架!
前一晚咁岩o係7仔見到呢個高逹可以變身飛機架, 岩晒大爺!
仲要$99咋喎, 價錢經濟啊, 即刻買左wakakakaka
我地幾咁求其既呢~~~~XP
佢最愛既公公
公公真知佢心意啊, 送左架搖控快艇俾佢
((點解我細個時公公無咁有心思諗我既生日禮物架???偏心啊~))
話說之前去大埔海濱公園, 佢都企定定睇人玩搖控快艇會睇好耐
仲話佢都好想玩喎!!佢一見到份禮物就好誇浮"嘩"左好多聲
婆婆就實制啲, 封利是!!
媽媽我就鐘意呢啲實制野..嘿嘿嘿~~~
仲有宜姨同珍珍表妹!!
佢地兩個又情深對望
大爺上年好驚呢支煙花蠟燭
今年大個仔, 鼓起勇氣企埋去!!
但安全起見我地拉遠左張枱, 小心啲好~~
佢初頭驚驚地, 慢慢就OK, 仲識笑..HAHA
簡簡單單慶祝完我地就係屋企打邊爐
慶祝我, 公公, 大爺 3月生日!!
枝煙花蠟燭原來可以燒到咁高，好勁咁呀﹗
回覆刪除搖控船好正呀﹗有機會要去睇大爺片船先得﹗
平時個啲煙花蠟燭無呢支燒到咁高, 可能呢支加重左料...XD
刪除生日快樂呀大爺，等EE去買返份生日禮物俾你等你返嚟之後攞啦！！
回覆刪除三月之星大家都快樂呀！！！！
多謝靚靚GEN EE~啜~
刪除個佈置好靚呀，其實都好有心思呀 =)
回覆刪除生日快樂大爺 ^^
煙花蠟燭好正呀，我成日想買，但次次d人都話香港禁左...請問大爺mama 在那裡買架?
多謝SAM SAM EE...
刪除個煙花蠟燭係買蛋糕送架....香港唔知邊度有啊~
話簡單，其實都搞左好多野0者！大爺生日快樂～
回覆刪除WAKAKA,都叫算簡單啦..~~~~
刪除多謝晒啊~
祝大爺生日快樂, 身體健康~
回覆刪除我第一次見煙花蠟燭咋, 用完可以再用嫁?
多謝~~~
刪除唔得架, 支蠟燭用一次架咋...燒完就無架喇^^
生日快樂呀大爺~~~
回覆刪除我覺得宜姨同大爺媽媽好似樣呀~~~
多謝SHARON~~~
刪除都似似地架, 以前好多人都話似
佢係瘦版既我....
生日快樂大爺!!!!
回覆刪除祝你人見人愛, 健康快樂:)
大爺同表妹對深果張好正 :P
多謝K EE..
刪除佢成日同表妹情深對望架..HAHA