[BIG YEAH K1] 觀課日

08 MAR 2016

[BIG YEAH K1] 觀課日

到K1下學期, 學校就安排俾家長觀課

觀課日有5日揀, 我就揀左3月8日 , 我生日之後一日

順便俾自己放一日假, 送大爺返學放學

 (上星期己經有3日觀課日, 大爺放學返黎就問我做乜唔黎, 仲整啲慘樣俾我睇XD)

朝早同大爺齊齊行返學, 睇住佢洗完手就排隊

我仲聽到呢個大爺排緊隊大大聲同老師講

"我媽媽今日黎觀課啊, 我媽媽一陣上黎睇我, 仲接我放學添啊" 

WAKAKA, 笑死我

然後我就上禮堂集合喇!!聽完校長講解觀課流程同需知後就安排入班課

(觀課日, 學校都係按照日常上課流程, 校長話等家長睇到小朋友上課真實既一面)

今日大爺依班有5個家長觀課!!大爺一見到我入黎好興奮叫我"mama"XDD

咁老師就逐一介紹今日邊個同學仔媽媽黎左, 介紹完一個全部同學仔都會話"歡迎你"

哈哈, 真係好可愛!!!

好喇!介紹完佢地就照常上課喇!

今日星期二, 有體能堂

男孩子呢段時間就要落去上體能堂

 我諗因為4月運動會有30米賽跑比賽, 所以今堂馬sir教賽跑

(教起跑動作, 唔好過條白色線, 一直跑去對面掂個雪糕筒)

呢個大爺扮望遠鏡偷望我..hahaha

準備

GOGOGOGOG!!

次次跑完經過我都偷偷地摸我隻手一下

上完體能堂就返返課室, 原來今日有普通話黃老師堂

實在太好啦, 我真係好想知大爺上普通話堂既情況

我好欣賞黃老師, 教得好好, 表情又夠生鬼,吸引到小朋友

 以我所見, 個個同學仔都好投入, 仲好主動大大聲一齊講, 有問有答

我今日終於聽到大爺講普通話, 原來佢首首都識講

但平時係屋企我叫激佢都唔肯講, 仲話唔識添喎=.=!!

大爺仲好積極舉手想出去朗讀添~

嗯,雖然唔係粒粒字都講得咁正, 但己經好唔錯啦!!

讀完老師送左張貼紙俾佢!! 

之後全程大爺隻手無放低過咁滯, 想老師再叫佢名出去朗讀XD

大爺上堂都幾專心, 但佢有時襯老師同同學仔講野時, 忍唔住偷望下我

上完普通話堂, 就係排洗時間, 又要排隊落去去洗手間

嗯~~~我講得佢返學都幾忙, 又上又落..HAHAHA

上返黎就係茶點時間喇!!

每組每日有一個做小老師出黎 帶領祈禱

睇完佢地祈禱, 家長觀課就完喇!!

祈禱祈得佢咁開心既??真係想走去啜佢一啖..KAKA

YEAH!食得!!!

睇唔到佢食, 因為媽媽要走LU!

佢地食完茶點, 老師教做功課先放學~

諗走見到大爺既傑作

家長就返返上禮堂同校長,主任討論今次觀課日, 同俾下意見

到11點就完成喇!!!但大爺12點先放學, 所以就去嘆個出名既豬手麵先再返去接放學!

之前都收到其他家長觀完課SEND返大爺啲相俾我!!

真係好喇~

又同佢最好朋友一齊玩

呢日做勞作, 佢個樣好認真啊..HAHA

見佢返學真係返得好開心, 上堂好投入, 主動答問題, 守秩序

希望佢繼續愉快學習喇!!^^