[BIG yeah K2] 學校秋季旅行

16 NOV 2016

[BIG yeah K2] 學校秋季旅行 

地點: 大埔海濱公園

[BIG Yeah K2] 新學期

[BIG Yeah K2] 

大爺升K2了, 第一日, 我奬勵左大爺爸送佢返學,等佢同老師溝通溝通下~
((其實咁岩呢日放中左假期XD))

今年升班, 老師唔同左, 同學亦唔同左
大爺如我所料, 係無唔適應既!!!HAHA
 

好快佢就同佢隔離同學仔熟左
 仲係FD到等埋一齊放學行返屋企 , 又拖又攬 <--係男仔黎既XD
((嫲嫲回報))

唔夠幾日己經拖女仔喇!!真係青出於藍~
大爺爸都甘拜下風!!!

大爺呢間係HAPPY SCHOOL黎!
K1只係做線條練習, 填顏色, 配對連線....未寫字
K2開左學2日己經開始有寫字練習 (中, 英, 數) 暫時每日2樣功課

學校每人送左一支粗既三角鉛筆做功課用

有樣真係不得不呻下, 真係好勞氣
有一日放工返黎,我例必第一時間睇下大爺啲功課
一睇, 做晒, 又做得幾靚咁喎, 好乖仔
我就讚佢:"嘩, 咁乖做晒功課"
大爺既姑媽懶醒咁答"係啊~做晒啊, 我扶住佢隻手做架"
我當堂O咀" 下, 唔使架, 佢平時自己做架, 扶住1-2個做咋嘛?"
姑媽仲係用懶醒既語氣答我"唔係啊, 成版都係我扶住佢隻手做架"
我:"唔使架, 之前個啲都係佢自己做"
姑媽"唔係啊, 之前呢版都係我扶住佢做"
我即係拎返再之前個啲俾佢睇, 話佢知全部佢自己做
佢仲要唔服輸話"唔係架, 小朋友啲手仔未ready好, 要扶住佢做架"
我"唔使架, 老師話要佢地自己做架"
姑媽:"唔得架, 佢地啲手仔咁細, 未識得好住"


 我真係火都黎......但我又唔可以話佢, 始終唔係我家姐, 啲女人好記仇架嘛!!
平時佢成日懶醒同我坳, 我都己經當聽唔到唔理佢, 由佢up完就算
今次我己經話埋老師話唔使扶住寫字, 佢都可以同我坳
咁點???即係老師教錯???K2都唔自己寫幾時先自己寫??
扶住佢寫即係親子功課啦???好想反問佢轉頭囉...

算!!諗住唔同佢再坳, 食完飯打算返屋企刷過再做

食飯又有勞氣事, 講明呢家食飯唔準餵大爺

一路都好地地, 嫲嫲都好配合無餵過, 大爺己經好肯自己食一段時間

姑媽一返黎, 大爺食食下就扭計,

我話唔自己食就唔好食, 唔會餵你

姑媽又黎料, 同大爺講"黎啊, 做乜事啊, 姑媽餵你"

我即刻啤住大爺"唔準餵, 自己食"

姑媽當我透明:"做乜事啊, 係咪眼瞓, 佢今日無瞓晏覺, 姑媽餵你"

 ((呢家人地阿爸阿媽都話唔俾餵, 你咁多事做乜??真係好嬲))

食完飯我快速閃人, 返屋企刷晒大爺本功課叫佢再寫
好彩大爺又肯俾我刷喎~
我仲同大爺講明, 功課要自己做架, 唔可以扶住做~
 

好彩姑媽間中先返嫲嫲度瞓, 唔使成日係度!!
一係度大爺就真係以為自己大爺咁款, 縱壞晒, 又扭計左
唔係我對佢有成見, 連大爺爸, 嫲嫲都係咁講!!

好!!呻完~

[BIG Yeah K1 ] 散學禮 +家長日

話咁快大爺既K1校園生活完結喇, 真係過得快!!

依一年由開學到學期完, 大爺都好享受,日日都好鐘意返學~
亦都好投入, 好合群, 老師對佢評語都唔錯 ~

亦都好開心, 兩位老師都好好, 大爺好鐘意佢地~

樹熊組

全班大合照

12 JUL 2016
K1最後一日散學禮,  人人都有奬拎 (豬肉奬)
我放工返去見到佢依個奬, 第一個反應"粉紅色咁女仔既"

仲要竟然係"英文學科奬"

聽其他家長講個個奬都唔一樣, 有友愛奬, 禮貌奬, 自理能力奬, 美藝奬...等...等


 13 JUL 2016
家長日
老師對大爺既評語唔錯喎, 老師仲話佢英文方面做得幾好
((即係個英文學科奬係真係佢做乜好而頒既XD, 我仲以為求其俾個奬佢))
我都好驚喜, 因為我地屋企好少同佢講英文~

老師話對大爺學習唔擔心, 學野都好快,進度好好,上課亦都比學期初專心左好多
本來一直都好乖, 但學期尾段, 老師話可能調左位既關係,
對面坐左個專注力較差, 脾氣唔太好既同學影響大爺
大爺就學埋佢啲野, 例如食完茶點唔拿拿聲收好碗碟

其實我知係邊個同學, 因為嫲嫲同大爺夜晚都有同我講,
依個同學放學成日大大聲無禮貌, 仲經常推啲同學, 大爺就係被推之一
嫲嫲己經好唔鐘意呢個同學仔, 因為大爺己經被佢推過好多次,
有次嫲嫲忍唔住, 都話過個同學仔做乜推大爺~
而大爺成日都話唔鐘意依個同學仔, 成日搞佢, 同埋推佢..
好唔好彩, 下年又同返呢個同學仔一班>__<, 希望唔好坐埋同一組!!

係偏食方面要改善, 連老師都留意到!!
因為生果週時, 成個星期茶點都係要食不同既生果
有一日放學老師叫嫲嫲等等, 要大爺留低食晒啲生果先可以走
((大爺幼稚園咁細個就留堂XP))
老師咁樣做得幾好, 大爺之後兩日食生果雖然都唔鐘意, 但都肯食晒

好有驚喜既英文學科奬!!

生日會主角,後面個壁怖幾靚!!

臨放暑假前活動, 玩水日!!

個個都進入左忘我境界, 開心到呢~~

學校影佢地啲相得張大合照影到大爺
好彩有家長影到俾返我睇~

同大家介紹返~~~~大爺既拖友!!HAHA

可惜下年己經唔同班啦, 不過大爺無唔開心
因為佢話放學會撞到架啦~

[BIG Yeah K1] 甲蟲仔大爺

16 JUN 2016

[BIG Yeah K1] 甲蟲仔大爺

大爺學校開學到呢家都無要家長做啲乜親子功課,

亦到無要學生聖誕, 萬聖節o個啲特別日子扮鬼扮馬返學

不過我知道學校每年都有一個"昆蟲大匯演"既, 要小朋友同家長設計一個昆蟲造型

唯一一個有得扮鬼扮馬返學, 我緊係要諗諗佢, 唔可以咁求其架嘛!!

但.....係人都知我好懶, 自己造就緊係唔會架啦.....

所以我就比心機上網淘啦..wakaka...((係咪想打我???))

 

大爺爸之前有話過造件草猛衫俾大爺架, 但佢話咋喎

佢咁忙((去玩))點會做到一件出黎啊, 所以我無理到佢...

咁我有問大爺想扮咩昆蟲, 咁岩佢睇緊本圖書有講甲蟲

所以佢好堅持想扮甲蟲!!

我都心裏暗起, 甲蟲我都鐘意!! 

~登登~

比心機上淘寶搵, 係一定搵到好野既!!

淘左對甲蟲翼, 同頂帽, 價錢仲超平..

我都有DIY一樣野架, 就係大爺件衫個甲蟲牌, 哈哈哈!!

都叫做有野係我親手造啦~~

接佢放學, 見佢有個"最佳表現奬"夾左係心口,佢勁開心!!

((但其實個個同學仔都有唔同既奬拎架XD))

同佢既好朋友一齊拖住放學, 咁岩佢個好朋友都係扮甲蟲

仲好襯, 兩個都係黑白間條

[BIG Yeah K1] 學校運動會

9 APR 2016

[BIG Yeah K1] 學校運動會

大爺第一個學校運動會終於到喇!!YEAH!!

之前學校己經有通告, 俾家長替小朋友揀參加邊個項目

K1既可以參加擲豆袋, 30米短跑

我兩樣都幫大爺參加左, 擲豆袋係學校己經進行左初賽

全級最遠個8個先有得進入決賽, 大爺當然無入到決賽啦..XD

同埋K1家長可以自組參4X100米接力, 咁岩有媽媽問有冇人有興趣,

我就幫大爺爸參加左..WAKAKAKA

8:45準時去到運動場

首先分班集合, 再全部一齊繞場一周 (行大運?)

集合時己經撞到佢啲同學仔, 未開始己經玩到癲左

成日放學返黎提住既最好朋友

今日有幾個媽媽都同我講, 讚大爺平時成日笑, 成個開心果咁...

繞場一周後就上看台等比賽喇!!

成班小朋友初初坐係度都好乖, 仲同比緊賽既小朋友打氣添..

進行緊既賽事有 K1 30米,  K2 50米,  K3 60米

打氣打到悶, 大家開始坐唔定, 我就拎大爺啲車仔出黎分俾大家玩

(當然我問左大爺可唔可以先, 話晒佢係啲車既主人嘛..wakaka)

嘩~~~啲小朋友見到啲車發晒狂...wakaka

大家就陶醉係度齊齊玩車, 而大人就可以舒服啲喇..

 

見到大爺同啲同學仔相處咁融洽, 真係好開心!!

 

聽到大爺個組招集喇!就同同學仔齊齊落去報到~

比賽前影返幅相先 , 公公婆婆影, 佢地都黎左同大爺打氣!!

好有信心咁喎haha

落到去招集處, 佢地己經急不及待不停跑

因為大爺平時跑襯都掛住望後面, 唔望前面

公公就不停咁提大爺比賽時唔好八卦望後面, 要向前衝啊...

呢個大爺爸其實同小朋友無分別

姿勢好獨特

好喇!! 老師叫名報到喇!!

全部小朋友好守秩序排好等比賽

我同大爺爸, 公公婆婆佢地就過對面等大爺

比賽開始喇!!大爺係第一個彈出黎..前半段都跑第一架..

中段就八卦望後面, 又望隔離慢左, 結果跑第三..哈哈!!

笑住跑既大爺衝線喇!!YEAH!!

((全級頭八位跑得最快先有得入決賽))

佢一衝線, 其他家長, 公公婆婆, 大爺爸個個都湧埋黎歡呼尖叫,

又讚佢跑得好快啊, 好勢厲啊..!!  真係好誇張, 人地唔知以為佢跑第一添~

 有媽媽問我邊個跑第一時, 大爺聽到我答XXX同學跑第一,

我見佢有少少唔開心行埋左一邊, 我就行去問佢做乜事,

大爺:"我都唔係跑第一既"

我: "唔係拎到第一先開心, 努力完成左比賽都好開心, 頭先你跑得好快好快

不過係八卦望左後面就慢左囉, 下次唔好望後面就再快啲架喇.."

大爺:"係啦, 我望左一下後面就慢左.."

好快又無事開心返喇!!真乖豬~

大爺爸剛才就係我後面大嗌~大爺"加油, 快啲啊, 呢度啊, 加油啊"

我差啲耳聾  wakakaka

呢個牌係另外個媽媽整架!!借左我地用..haha

跑完影返張先!!!

呢個同學仔頭先都有幫大爺打氣架..

公公婆婆突登黎睇大爺比賽, 比完賽佢地有節目就早走先..

今日最精彩既項目係爸爸組, 同媽媽組既親子接力  

一比賽看台就好多歡呼聲~~好有氣氛

不過K2, K3先有, 大爺今年K1未有住

下年心思思想同大爺一齊參加喎, 幾好玩咁~~HAHA

 

到K1家長既4X100接力喇!!!我地落左去同大爺爸打氣~

我影得佢幾咁有姿勢..XD 咁當然都好有實際啦, 佢第一棒跑第2既..

跑完返黎仲俾啲小朋友輪住玩佢

乜事啲同學要嗌佢哥哥??? 哥哥啊.....哥哥啊......

=.=好明顯係叔叔架啦.....

到完成晒頒獎典禮就走喇!!

其實可以一早走, 但要等到完場先有得拎奬杯, 早走既不獲補發!

咁點都要等埋啦!!大爺第一個奬杯喎..WAKAKAKA

大爺拎住仲問我做乜有奬杯既~

我話"小朋友有參加, 又努力比賽就有奬杯~ 頭先你做得好又投入咪有囉"

啊~~~跟住佢就好開心喇!!

臨走佢同啲同學難捨難離咁, 我仲聽到佢地私下約埋一齊去公園

但我地大人實在太餓喇~~~所以唔去公園喇, 齊齊去食埋午飯先走..XD

[BIG YEAH K1] 觀課日

08 MAR 2016

[BIG YEAH K1] 觀課日

到K1下學期, 學校就安排俾家長觀課

觀課日有5日揀, 我就揀左3月8日 , 我生日之後一日

順便俾自己放一日假, 送大爺返學放學

 (上星期己經有3日觀課日, 大爺放學返黎就問我做乜唔黎, 仲整啲慘樣俾我睇XD)

朝早同大爺齊齊行返學, 睇住佢洗完手就排隊

我仲聽到呢個大爺排緊隊大大聲同老師講

"我媽媽今日黎觀課啊, 我媽媽一陣上黎睇我, 仲接我放學添啊" 

WAKAKA, 笑死我

然後我就上禮堂集合喇!!聽完校長講解觀課流程同需知後就安排入班課

(觀課日, 學校都係按照日常上課流程, 校長話等家長睇到小朋友上課真實既一面)

今日大爺依班有5個家長觀課!!大爺一見到我入黎好興奮叫我"mama"XDD

咁老師就逐一介紹今日邊個同學仔媽媽黎左, 介紹完一個全部同學仔都會話"歡迎你"

哈哈, 真係好可愛!!!

好喇!介紹完佢地就照常上課喇!

今日星期二, 有體能堂

男孩子呢段時間就要落去上體能堂

 我諗因為4月運動會有30米賽跑比賽, 所以今堂馬sir教賽跑

(教起跑動作, 唔好過條白色線, 一直跑去對面掂個雪糕筒)

[BIG Yeah K1] 親子行山樂@鶴藪

27 FEB 2016

[BIG Yeah K1] 親子行山樂@鶴藪

大爺學校幼兒班親子行山樂, 我地咁鐘意親親大自然更係參加啦!

不過可能改左期關係(本身20號), 今日大爺嗰班好少人參加

9:30學校集合就搭旅遊車去粉嶺鶴藪

唔使15分鐘就到, 真係好近, 哈哈!! 

大爺仲記得自己之前黎過呢度行山

好彩佢最好朋友樂樂有參加啫, 兩個一見 到就糖痴豆咁..

[BIG Yeah K1] 家長日 + 一家三口假期

29 JAN 2016

[BIG Yeah K1] 家長日 + 一家三口假期

今日大爺學校上學期既家長日, 咁岩大爺爸放中呢一日假！正！
我亦都順便請一日，見完家長可以一家三口去街街！

老師對大爺評價幾好
一黎就話大爺講野好叻 , 所以佢好多野講..wakakaka

對學習主動有興趣，聽老師話好合作好乖，好熱心幫助別人，仲好識冧人

（大爺聽到就即刻陰陰咀笑登大對眼望住老師，老師就話平時佢就係咁冧人）

仲話大爺係聰明仔，做每樣事都可以好快完成做得好好

不過有一樣麻麻地，就係無乜畫畫天份，成日無心機畫畫

樹熊組同學仔

派左本學習檔案，入面有大爺同老師既相，班相，樹熊組相，平時學校生活既相，
仲有評核報告，成績好好！中，英，數，普通話進展都ok！

我睇到下面寫上課不停說話同不停騷擾其他同學
（我都預左佢會咁haha)

問問老師, 原來初初坐佢隔離個男同學又係咁多野講，
所以兩個就一啪即合，不過呢家已經改善左因為調左位, 個位男同學坐到好遠 (老師拆散左佢地haha) 呢家大爺坐隔離係個女同學

老師寫大爺既長處, 都講中晒!!

希望大爺下學期繼續進步, 專注力再好啲, 唔好咁多野講.
做個有禮貌, 專重別人既乖孩子!

見完家長我地就出發去沙田Simplylife食lunch

諗住平日無日排隊，去到約11點幾已經要拎飛等，等左半個鐘先到我地！

等位其間大爺無時停，走黎走去，仲話呢個森林位好靚喎，叫我地影相

查實只係舖滿樹葉既牆XD

好啦，難得佢阿媽我今日著裙扮下斯文見老師，就影下啦。哈哈！

呢個大爺完全係要搶我鏡！
不停係度轉pose, 叫佢拖住影又唔理我！

終於正常返！呼！

大爺爸話我得閒咁著下咪幾好，仲話我著紗裙幾靚
唔通佢鐘意我斯斯文文???

上次分享完"數字油畫", 今次分享下靚衫
近期鐘意左o係fb online shop買衫, 真係方便到唔使出街都可以破財
呢間係其中喜愛既一間shop, 我今日著住套衫都係呢度有架,  click入去睇下啦!

Studio.com fashion online shop及世界代購

又玩又影啲時間好快過, 好快就入得去食喇！

知大爺都唔太好西餐，買左兩個包塞飽佢先！呢度啲包真係好好味！

睇下大爺個滋味樣就知真係好味啦。HaHa

車迷出街一定要帶咁多車，你地個啲車迷係咪咁？

我叫左個芝士煙肉牛肉漢寶

大爺食晒我啲薯條T__T

大爺爸為左大爺，叫左魚

好難得清清閒閒咁出街食好野

我地真係好相親相愛架！

咁樣食薯條零捨開心架!!!

大爺影上癮，食完出到去又話要影！
仲話我同佢今日親子喎, 都係黑襯灰~XD