[BIG yeah K2] 學校秋季旅行

16 NOV 2016

[BIG yeah K2] 學校秋季旅行 

地點: 大埔海濱公園

上年去蝴蝶灣, 今年去大埔海濱公園
聽之前係度讀過既人講, 學校旅行去襯都係呢兩個地方,隔年咁去
即係下年K2我地又去返蝴蝶灣XD

 9:25AM學校集合  大爺既2位好朋友都同一架車
2個都朋友都爭住要同大爺坐, 好啦, 咁我就放過大爺, 俾佢地3個一齊坐

落車又要拖住, 真係分唔開佢地XD

去到會合返其他同學仔一齊野餐

啲小朋友食少少就話飽, 好快就走晒去玩

睇真啲先

大爺爸又搞啲玩意俾啲小朋友玩

個個又執樹枝又搵石頭又搵樹葉

11:30AM到低班集體遊戲時間
跟老師唱歌跳舞, 仲玩遊戲

跳跳跳

玩遊戲,三個又係痴埋一齊

玩完遊戲見到鄭老師, 大爺又走埋去話要影相
仲有另一個班主任今日病左影唔到添..

玩完遊戲就解散, 又各自返返去玩

大爺就同啲同學仔去左公園玩同踩滑板車
今日有大爺爸, 我緊係好爽咁坐係草地同其他媽媽傾下計..

大爺爸影左一張相俾我睇咁大把=.=

1:45就返去集合回程喇!!不過我地無跟車返學校
即興同埋佢2個好朋友去大尾督踩單車XD

去餐廳食啲野就去租單車

準備好, 出發!
佢兩個好朋友都話要同大爺坐
好啦~~~~我地應承佢地去到堤霸先一齊坐 ~~

踩到去堤霸中途停地,載左一個先
UM...開心得佢地啊!!

踩踩下大爺又話停低睇下風景先

大爺成日同兩個好朋友攬埋一舊, 又錫面連咀都錫埋
我呢個阿媽都no eye see~好彩對方唔係女仔..

今日好好天, 藍天, 仲有風吹黎, 好舒服~
平日仲要無乜人, 真係好正!!

上返車,頭先1個變2個, 呢家2個變3個
佢地就開心啦, 負責踩個個就.........

辛苦大爺爸, 加埋我總共要載四個人..kakaka

回程呢個大爺玩野, 又話迫又唔肯一齊坐
咁我就叫大爺去第二架度坐, 但佢啲好兄弟又話唔得要同大爺坐
兩個仲突登讓多啲位出黎俾大爺坐中間
呢個大爺得得戚戚扮到好唔情願咁上返車

轉個頭咪又好好兄弟咁搭晒膞頭

見未夠鐘還車, 我地去左龍尾個石灘
俾佢地掉下石頭

掉完石仔去士多買雪條食!!

玩左一日,大爺表示好開心
仲話下次再去過玩~