[沖繩DAY 3] 大爺生日衝一沖 ~蒲添大公園/沖繩兒童王國/琉球之牛~

20 Mar 2016

[沖繩DAY 3] 大爺生日衝一沖

行程:

早餐 >> 蒲添大公園 >>沖繩兒童王國 >>  琉球之牛(晚餐)

今朝起身, 即刻開窗簾望下個天氣!!
今日好好天無落雨啊~實在太好喇~ yeah~
梳洗完換好晒衫, 等出發!!大爺爸又忙住處理佢既任務..

大爺住呢啲日式房真係好忙, 成日跑黎跑去又搵地方捐

等大爺爸拎車, o係酒店草地影下相

今日真係好好天, 好好陽光!!!

我地bk酒店無包早餐, 所以沿路睇下有乜食就食乜
經過呢間類似吉吉家既, 好岩大爺食 , 因為有白飯wakakaka
大爺呢個兒童餐仲有蠟筆小新既玩具送, 可惜抽唔中小新

我無嗌餐,驚大爺食唔晒執佢啲黎食..
點知佢食鬼晒~~~最後痴左大爺爸啲飯食..

食飽飽就出發喇!!! 點知中途大爺又話想poo poo
佢真係真係最鐘意就係唔適當既時候痾poo poo架喇=.=!!!激死~
問佢忍唔忍到, 佢又話得~~~忍忍下又話真係好急~
沿途睇下睇下見有麥當當, 即刻叫佢地停埋去~~諗住叫大爺爸同佢去
點知大爺欽點我陪佢去, 真係多謝晒~

痾完出黎見有滑梯玩, 又話想玩~~
我話玩一次好喇!!佢又真係sir左一次就跟我走..乖豬!!
 沖繩呢個地方真係好岩小朋友去, 唔止麥當勞, 大部份餐廳都有兒童設施

蒲添大公園 
 今日星期日,比較多人~~
大爺一見到有得玩己經跑左去~~玩下呢個小兒科既先

發唔發覺佢呢日帶左佢既新朋友超人一齊玩XD

準備定塊板黎玩最長個條滑梯~我地黎呢度都係為左呢條滑梯

 大爺當左手袋咁咩住左..KAKAKA

今日假期, 多人, 所以都要排一陣
排隊咁無聊最岩影合照XP

大爺本身話想自己玩, 但我地唔知個衝度有幾快, 安全起見都係抱住佢玩一次先
呢個重任緊係交俾大爺爸啦..嘻嘻!!

第一次, 我同大爺爸都有用滑板sir, 真係勁快!!!
快到我想慢啲, 用手扶住兩邊停, 可能衝力太快, chok襯個膞頭..
大爺爸仲整損左隻手指...
朋友兩個都就咁sir, 佢地sir左落黎好痛苦, 痛到俾火燒咁, 之後仲痛左幾日...

大爺玩完一次勁興奮, 又再玩, 今次到我抱住佢玩~
終於知道點先可以控制速度, 要兩隻腳尖貼住側邊黎減慢速度
今次控制得好好, 真係好好玩啊~~

好喇, 之後個幾次就俾大爺自己玩~
由於得兩塊板,我地輪流sir佢前面陪玩..

大爺每次sir個口都無合埋過..wakakaka

佢真係興奮度狂叫..

我o係下面等佢時, 見到有啲大人無用滑板
落到黎係咁話好痛, 俾火燒咁..玩左一次就走
有啲用紙皮, 但紙皮無滑板啲速度咁快
小朋友反而無事, 可能佢地體重輕

玩左幾次, 大爺上樓梯都無力, 想人抱
咁我地話sir多一次就走, 因為己經1點幾飯又未食, 仲又去下一個地方...

一上車無耐大爺就瞓左喇!!真係放晒佢啲電..haha

第二站 : 沖繩兒童王國

由於假期,去到停車場full晒要等~不過唔緊要, 大爺都未醒
等到有車位時, 大爺好似知道咁醒左, 時間剛剛好啊~

一醒左知到左動物園就係背包度拎埋個望遠鏡落車
((生日收既禮物, 仲死都要帶埋去旅行=.=))

實在太肚餓, 叫左大爺爸佢地去買啲飯團, 薯條食下
呢個大爺有得玩就唔識肚餓, 係咁話自己唔使食, 仲係咁叫我行啦行啦..

係大爺不停催促下, 我真係頂佢唔順, 我帶左佢去玩先
叫大爺爸佢地買完黎搵我地

大爺狂催我既原因係, 佢一早知道呢度有麵包超人車車玩

幾開心.......佢~~~

佢成日都話自己係麵包超人

陪玩專員1號, 2號, 3號, 4號

起碼玩左6次 XD


跟住玩呢個小火車, 其實好無聊, 不過小朋友好鐘意

我榮幸, 我又被邀請陪玩WAKAKAKA

玩完呢啲車車, 就去睇下動物
不過過左餵鉰時間, 無得餵兔仔LU~

有潔癖既大爺又黎料喇~~又話臭

睇下大爺個樣幾咁厭棄啊~

河馬先生, 你好!

我地配合返大爺既動作....UM~~~其實唔係好臭咋嘛!!

佢話要睇下地圖先

呢啲佢反而又有興趣喎!

有雪糕食

好喇！夠鐘走。洗個手先走

呢個動物園都唔算大, 好快可以行完!!
同埋發覺大爺唔太愛睇動物, 下次可以刪左動物園唔去~

我地今晚book左食燒肉, 呢間琉球之牛好多人讚
但book枱只有5:30, 唔係就walk in
我地食到六點幾己經好多人o係出面等了~

雖然貴就貴啲。不過真係好好味！

呢家睇返都好想再食。

連大爺都話啲牛肉好好味~

今餐真係好滿足，食到飽一飽

大爺話好大風, 我就拎左大爺爸件風褸俾佢著
(大爺爸去左廁所未出黎)
一出黎大爺仲唔理大爺爸, 好開心咁著住走...XD

食埋鹽味雪糕就返酒店

有好多種既味粉任你落，我隻隻都試混, 真係食到我標晒眼水