[沖繩DAY 4] [上] 大爺生日衝一沖 ~元氣村(海豚互動學校)

21 MAR 2016

[沖繩DAY 4] [上]  大爺生日衝一沖

行程:
元氣村(海豚互動學校)>> papayia美之海 午餐>>美麗海水族館 >>美麗海村旅館check in >>於旅館花園內BBQ(晚餐)

去元氣村車程都要一個半小時, 我地買定左啲飯團杯麵今朝做早餐
食完執埋行李就check out出發!!今晚會住水族館附近既民宿

元氣村 
海豚互動學校

大爺正日生日, 我地安排左朝早去元氣村俾大爺親親海豚

o個度有唔同既活動參加, 我地報左 11:00am既"海豚互動學校"
 ((遲幾年如果大爺學識游水, 我想報名同海豚游水水啊))

到達, 無遲到!!YEAH!!
今日又係勁好天啊, 藍天白雲啊~
個海咁藍, 真係好想跳落水, 可惜仲係涼涼地~

俾完錢就入更衣室換衫

個導師話未夠鐘, 可以玩陣先, 一陣再叫我地集合
大爺知道就一支箭走左去玩喇!!

呢個彈床好好玩,但我玩完第二日周身散晒..XD

好喇, 夠鐘集合喇!!著救生衣..大爺話要自己著..

著完佢就咁既POSE?乜事??

準備完畢

首先要入間房聽導師講解下海豚
其實我地聽唔明佢講乜, 因為佢係講日文 =.=
間唔中先講2,3個英文


大爺:" 終於聽完, 可以出發喇, YEAH!!"

今日有一個家庭都係香港人, 全部都係日本人
大爺就走去同個香港哥哥吹吹水..XD

睇下大爺個樣幾期待

沿途啲海豚係我地身邊不停游黎游去歡迎我地~

我地剛剛5個人一組
呢位導師講解下啲海豚既飲食習慣
其實唔係好聽得明, 日文又加少少英文..WAKAKAKA
大爺爸同大爺好似聽得明咁喎...

講解完就落水, 其實唔深,大人就到小腿, 小朋友就到腰
今日啲水都涼涼地, 大爺係咁話好凍, 唔肯企定定
搞到大爺爸要抱住佢玩!!

到佢拋圈圈,但唔夠力,拋得太近喇!!!

轉由大爺爸拋, 但我覺得大爺爸想索海豚油多啲..HAHA

請留意, 大爺對腳仲係縮起左..

海豚真係好叻, 又乖又可愛啊!!

佢個樣好話我知, 佢好ENJOY俾我摸..WAKAKA

到大爺摸摸時間
大爺係驚到捉住大爺爸隻手摸

係我地鼓勵下, 終於有勇氣肯摸啦!!
同埋佢終於肯企落去XD

今年呢個生日禮物又驚又喜

摸完一次, 大爺終於唔驚啦!!
不停摸摸摸

導師仲教我地用咩手勢去指令海豚 轉圈, 跳高, 搖尾
大爺摸完開始無咁驚啦~睇佢開始同海豚有更多互動..

之後就去對面,今次同埋另一家香港人一組,輪流再玩過
有得俾你揀一樣工具同海豚玩~ 同埋呢邊唔會浸到水

朋友揀左跳杆

我同大爺揀左頂波波
但海豚一跳起, 大爺就即刻走左去我後面...

大爺爸俾埋佢個次機會我同大爺玩, 佢負責影相
我地揀左呢個, 叫"KISS KISS"
呢個大爺又唔驚喎~~~可能頭先驚條海豚跳左去佢度??

又有摸摸時間喇!!

最後近距離睇海豚表演

差不多50分鐘就完成呢個活動!!
 呢個都幾值得去玩, 可以咁近距離接觸到海豚~

玩完換返衫, 大爺未捨得走, 我一場黎到仲有時間淨就玩下先

仲有羊羊睇

旅行例必一跳XD

呢度都幾好HEA

.........[沖繩DAY 4] [下] 待續..........