戒夜奶

大爺終於戒左夜奶喇


早o係五月尾開始己經幫大爺戒夜奶, 因為我6月1日開始要返工

唔想返左工後仲要半夜起身餵奶



o個時大爺通常三點幾, 四點幾就醒

佢醒左無人理佢就會大喊

=.=喊到咁大聲唔理佢都唔得啦!!

初頭真係好心軟, 見佢喊得咁淒涼就忍唔住餵奶俾佢食,

有晚試過餵水, 成功左, 佢飲完又瞓返

諗住第二日再醒又餵水俾佢, 點知佢今叻, 試左少少, 發覺係水就頂返個出黎=.=

最後我又餵奶俾佢!!!

又有晚佢醒左喊, 我諗住塞個奶咀俾佢, 等佢咪鬼嘈啦,

都係唔成功, 因為大爺唔鐘意食奶咀

放左落去又頂返出黎, 我就好努力咁執完又塞, 重複又重複都唔成功,

結果又係餵奶俾佢!!!

所以到我返工都未成功戒到夜奶..





6月1日終於返工

同另一個同事研究, 點解大爺瞓唔得耐

我留意到佢成日"扎"醒, 瞓瞓下雙手一呻就"扎"醒喊

係咪佢覺得無安全感呢?? 之後拎啲被, 枕頭圍住佢, 都係唔得

所以同事建議我試下保嬰丹 (佢個囝兩個月食完就瞓得安隱左)

咁我又黎試下!!!

,

((BB過左一個月可以食架喇))

用一匙溫水倒一支保嬰丹, 用牙籤攪混,

再針筒餵佢

=.=我諗應該係難食, 佢食到苦口苦面咁..


成效: 嘻嘻, 一日比一日瞓得耐

第一日仲係四點幾醒

第二, 三日就五點幾

好似第五日度, 開始瞓到六點幾



有一日

我好反賤, 唔知係咪慣左,六點自然醒左等大爺起身

諗住佢好快醒, 等到七仲未醒...我又瞓唔返..

等等..等....又影下佢.....等到七點幾先起身!!!


平時起身無人理會狂喊

我今日試下唔理佢, 佢又無喊喎, 眼仔碌碌咁..

唔通啲保嬰丹咁有用??




希望佢KEEP落去唔好再食返夜奶啦!!!