03 JUN 2012
星期日 親子日
呢家決定星期日絕對唔會棄嬰
我要親自湊返大爺, 去街都要帶埋大爺去!!
今日第一次用揹帶
去邊度玩????
搭巴士搵爸爸接爸爸放工...呵呵呵!!!
第一次自己帶大爺出去, 事前餵飽佢食奶,
等佢乖乖地, 唔好O係巴士度喊
慈母LOOK
大爺細粒到見唔到個頭
諗住大爺搭車會周圍望下
點知, 一落樓己經瞓.....瞓瞓.....
我地去左食飯又瞓, 行街又瞓..
連過左鐘食奶都仲瞓緊
俾著平時, 早成個幾鐘己經扭食奶, 喊到拆天
我呢家有理由相信, 佢唔鐘意O係屋企..
返到屋企樓下, 有個細佬仔係度喊, 勁喊...仲喊住同佢爸爸講喊到透唔到氣
((我自己都想笑個細佬WAKAKKA..不過忍住..))
點知大爺偷偷地笑, 笑到個身震晒
仲笑左兩次添...
唔通大爺都笑個細佬????
返到屋企大爺即醒, 仲扭奶食
次次出完街返到屋企佢都即醒....唔通聞到屋企陣味???
食完奶睇佢個樣似想痾AA
我就逗佢痾
((((阿比成日話我買埋啲騎呢衫俾大爺, 搞到佢騎騎呢呢
明明大爺就係行騎呢路線架啦!!點會係行得意路線啫=.=)))
呢家如果見到佢夜晚個餐奶都未痾AA, 我都會逗佢痾
一路向住佢"唔"...."唔"...."唔"咁........佢又會用力"唔"....
都幾得架喎, 有幾次佢都會痾
2012年6月6日 星期三
第一次帶大爺搭巴士
訂閱：
張貼留言 (Atom)
小k， 你好slim 丫，瘦得好快
回覆刪除[版主回覆06/09/2012 10:51:01]我生完辛苦到無乜胃口食飯, 又無覺好瞓...所以瘦返晒...
好叻叻呀! 一個人帶大爺出去~
回覆刪除[版主回覆06/09/2012 10:48:59]嘻嘻, 多謝~~~~我呢家諗住逄星期日都帶佢行下街街...
哈....最後個張相好可愛呀...大爺個樣好認真呢...
回覆刪除[版主回覆06/09/2012 10:40:50]係啊, 佢痾AA時好好笑架....又尷尬又登大隻眼望住我痾....WAKAKAKA..
睇你身型一d都唔覺你啱啱生完bb囉...
回覆刪除[版主回覆06/09/2012 10:39:54]我生完自己湊, 無人幫手, 辛苦到無胃口食飯....
你個仔肥嘟嘟,好得意呀~~你抱住佢出街,好似未成年少女..羨慕c人啦^^身型同婚前一樣~~
回覆刪除[版主回覆06/09/2012 10:39:00]哎吔, 唔使羡慕啦, 你第時生bb都可能同我一樣呢...
哈哈,或者抱佢O黎比我幫佢痾啦~~
回覆刪除[版主回覆06/09/2012 10:33:46]咁你係咪幫大爺換埋片片先????
哈哈....唔唔真係幾好架, 我屋企果兩隻野都係咁唔~~~~
回覆刪除[版主回覆06/09/2012 10:33:22]你屋企兩隻野"唔"唔"個時....係咪都會發出"唔""唔"聲架???
大爺真係好出力"唔"~~~~~好好笑...
小檬去都掛住8掛，唔記得肚餓....
回覆刪除你就好，咁fit，我有排未見到家鄉
[版主回覆06/09/2012 10:37:04]檬檬都鐘意街街.....kaka....可能條街太多野吸引佢, 唔記得左肚餓..
我可能無人幫我湊, 所以辛苦到瘦返晒!!你努力努力...好快見到家鄉架喇....唔好放棄啊.....
我個仔初頭都係咁,一出街就訓足全程,一番屋企即醒,然後喊到拆天...但同多啲佢出去,就變得次次出街都眼仔碌碌...
回覆刪除[寧琦聯婚回覆06/11/2012 16:28:44]頭幾次搭車,佢都係咁喊,搞到啲人望住,我未即塞個奶咀俾佢囉..但出多幾次,搭車時佢就斷望風景,好乖了...
[版主回覆06/09/2012 10:29:56]咁有冇試過佢搭緊車, 或者係街度扭計喊啊???
我最驚係搭緊巴士佢走黎喊....嘈住人地唔好意思嘛..
我個囝又係一出街就訓 haha
回覆刪除大爺肥 do do .... 好 cute 啊.!
[版主回覆06/09/2012 10:28:43]啲兩, 三個月大既bb係咪鐘意"登"下"登"下既感覺....??可能咁樣好瞓啲...
大爺好乖呀。。。
回覆刪除[版主回覆06/09/2012 10:27:54]大爺出街先黎乖....o係屋企就扭計...
大爺都笑個細路仔!!?? 大爺, 其實你係扮瞓ga jar!?
回覆刪除by笨豬小慧simple
[版主回覆06/09/2012 10:28:21]個刻我都忍唔住笑左出黎, 細路個爸爸仲話"嗱, 仲喊, 人地笑你喇"kukuku..其實我笑大爺咋嘛...
哈哈, 大爺好乖呀, 出街就瞓即係鐘意去街街啦!!
回覆刪除[版主回覆06/09/2012 10:26:36]咁佢即係唔鐘意屋企喇, 佢一係屋企就扭計...
唔通佢扭出街??
大爺so cuite!!
回覆刪除[版主回覆06/09/2012 10:25:56]thank you!!!
你個小小bee快啲出世喇, 姨姨好想見下佢啊...........
大爺好叻仔！咁細個識疴便便！
回覆刪除[版主回覆06/12/2012 14:50:08]哈哈, 大爺由細到大最叻就係爆屎屎..KAKAKA
第一二張相邊個幫你影架? 你地去緊搵爸爸無理由係爸爸影架播....
回覆刪除[版主回覆06/15/2012 14:55:04]接完爸爸放工回程時影架....
你個樣成個未婚媽媽咁。。。。。
回覆刪除[版主回覆06/15/2012 14:55:58]唔係掛..哈哈!!!
不過上次去健康院個醫生問我係咪bb既媽媽
你個樣真係一d都唔似阿媽囉....... 係無忽似呀!!!
回覆刪除[版主回覆06/25/2012 15:08:39]可能我著返斯文成熟啲先似返個媽媽..
騎呢路線D 姨姨好LIKE呀, 唔該KEEP住丫~
回覆刪除[版主回覆06/25/2012 15:09:21]really??咁我要keep住拎住個相機描住大爺先得...
大爺似阿媽, 走既另類路線,,,,!!!!
回覆刪除[版主回覆06/25/2012 15:11:26]我老公成日話係我搞到個仔騎騎呢呢......kaka .....