3V-華橋城+室內

今日六點起身

尋日真係訓得唔好, 可能太緊張喇!

執好晒d野起行出發去3v喇

 

好順利過左關, 仲食埋早餐仲有時間淨

8點己經去到3V喇..WAKAKAKA

我地第一pair到, 坐左一陣第二pair人到..

3v d職員見我地咁早, 叫我地周圍行下, 揀下d道具先

噢, d花球真係......唔多靚!好彩自己帶左個私伙花球啫!

不過唔好蝕, 揀左一個影室內!!

 

其他3v職員慢慢都返到黎 就幫我地搞下d單,

俾埋尾數就去換衫喇!

阿比就去locker放好d野

 

今日助手係"可可", 好快換完衫就化妝喇!

阿比就去揀衫!

 

今日化妝師係"雪利"=.=一聽到呢個名就滴晒汗

因為之前有blog友提過佢set頭唔多掂!好鐘意幫人set爆個頭

同埋化到大細眼!

唉, 當堂無乜心機..又無得換喎, 唯有小心d

佢都有問我鐘意乜類型, 我當然話要自然d, young d

同埋個頭唔好咁爆, 唔好咁攣, 太攣唔岩我!

佢一路化妝一路就有另一個人幫我捲d頭髮.

捲捲下唔多妥, 咁攣既????

即刻同佢講我唔想咁攣, 佢就叫個助手換過個卷

 

第一個look 我覺得個妝ok既, 清清地,無大細眼

至於個頭, 唔係我想要o個種攣, 佢好似唔明我想要乜

硬係覺得唔係好襯我咁.咁高貴, 同我平時真係好大分別!!

又或者自己睇唔慣掛..

不過算, 阿比話無野, 咁唯有信佢!!

搞掂阿比仲未揀完衫...wakaka真係姿整

等埋佢就影左室內先, 可能我地早所以影完室內先出去!!

 

今日攝影師: 阿賢  打燈師傅: 阿衡

噢, 同d出名攝影師無緣lu!!有冇人都係阿賢影??

佢好後生咁...唔知影得如何呢??

 

影完換過件婚紗, 轉造形就出發去華橋城喇!!

呢個係第二個look, 呢個都ok, 都襯我..

我最鐘意呢個, 夠簡單!!

阿比扮白馬王子..

補完妝就出去影相喇!!

嘩!!嘩!!!好天到丫, 個太陽曬死人喇!!

熱到阿比出晒汗, 成個額頭都係汗珠

個助手不停咁幫佢印

丫!!!都唔記得去左邊影, 好似花田, 教堂...仲有咩呢??

熱到失憶!!

仲熱到都無叫個助手幫我地影花絮.

個助手好忙, 不停幫阿比印d汗!!

 

影完一輪返去轉第二件衫

等換衫中...

呢支救命冰水超掂丫!!我地無熱死都係靠佢...

雪到冰放落個保溫袋, 到影完晒都仲凍...超勁!!!!

 

 

轉第二個look時, 化妝師話不如梳起晒前面d頭髮

我諗住試下啦, 點知...............真係唔掂囉!!

前面d頭髮梳到好高好鬆好亂, 成隻鬆毛獅子咁

連阿比都話唔掂 ((當然無係佢面前講, 我淨係話睇唔慣))

即叫梳返落黎, 不過佢都無黑面

 

呢個就係第三個look喇!!

好過個鬆毛獅子己經安心架喇...

側面都還可以既

但呢家睇睇下唔多鐘意條頸鍊, 好似cool得太實條頸添=.=

正面好似好古怪咁既......點算丫???

定又係自己睇唔慣呢???

阿比都換左另一套衫喇!!!

 

 

第四個look, 到最搶眼條紅色晚妝出現喇...

反而阿比最鐘意我呢套, 我仲驚佢唔like紅色添..

呢個就係化妝師雪莉!!

初初唔鐘意佢加個黑色頭紗落我個頭度

仲叫佢不如唔好整呢塊野, 因為前面睇好似有頂廚師帽咁架!

佢又堅持話加左時尚d, 影左出黎靚

而阿比又話ok, 咁就無拆走喇..

側邊睇都ok既, 希望影出黎真係靚啦!!

隻眼又加深左少少黑色

呢把係救命風扇, 等緊既時候拎出黎吹下真係涼好多!!

睇下我膞頭幾反光, wakakaka...係汗黎架, 真係熱到出晒汁..

幾經辛苦終於影完喇!!

返到去等埋另外o個pair先上車..

 

呢個時候 當然唔放過影相既機會

自己影下相唔好蝕!!

 

呢隻介指出左一陣鏡咋, 點都要自己影多幾下

點解出左一陣鏡, 咪因為某人懶醒無端端放左佢落locker無拎出去=.=

噢...容許我誇浮下

呢d表情岩我d, 但阿賢唔多buy..wakaka

 

呢張好鐘意, 阿比影得咁好, 影到我跳到好高咁

kakaka, 攰到我死下死下咁....我點會跳得高..

 

YEAH!走得..走得..

見到3V架車我不知行得幾快, 冷氣丫..冷氣丫...

 

呢個成程都有跟住我地周圍去, 仲幫我地拎野, 拎反光板

但唔記得問佢叫乜名, 好好人, 又好傾..

仲請我地食餅!!!!

 

 

攝影師...阿賢..好後生

阿比話覺得佢影得好落力!!!

 

成日無食野, 返到去即刻小肥羊填飽個肚

 

影完...兩個字

"擔心"

唔係擔心阿賢影得唔靚

係擔心我d look影出黎唔得=.=