炎炎夏日遊長洲

14 SEP 2014
熱辣辣長洲遊

又係難得大爺爸放星期日既日子, 當然唔會放過佢, 嘿嘿!!
我地約左契仔一家遊長洲
想當年, 我同大爺爸都成日去長洲拍拖架..真係好懷念


約左十點碼頭等再一齊出發, 咁岩係慢船, 我地揀左豪華位, 有冷氣嘛!
等船開左就帶佢地出出面睇海睇浪

兩父子, 有冇型??

今日好好天, 藍天白雲, 如果無咁熱就VERY GOOD喇!!

大爺唔係成日都整到V字手勢.XDDD

我既兩個乖仔!!!一家四口....YEAH!!

其實出面環境唔錯, 不過太曬啦!都係入返去~

入到去, 兩隻野要去船頭睇風景 (真係識嘆)

兩日大左,有交流, 識一齊玩

玩下笑下咁就到長洲啦!!

一落船, 兩個手拖手好兄弟咁

呢張大爺好有哥哥風範..XDDD

波點陣, 問你死未???WAKAKAKAKA

搵返以前成日幫襯既餐廳食LUNCH, 食飽飽先玩!
本來諗住踩家庭單車, 點知租個阿姐話後面唔可以載人
見到差人要落車, 唔係會俾人捉=.=
乜原來呢家長洲唔俾踩既咩?? 踩得咁鬼祟為咩呢...所以最後無租

周圍行下, 行行下實在太熱, 無準備下去左沙灘玩水 (好彩帶定左多套衫)

 八卦父子

當大爺見到個沙灘, 心裏面又緊張又興奮
開始擔憂既樣..XDDDD仲越行越慢, 好好笑

呢一步, 佢真係hold住呢個動作好耐
不停話, 我好驚啊,  吉吉架啲沙..但又無叫我地抱喎..!!

終於落到沙灘,但佢係咁既樣...笑屎我啦!!!
停左係度唔郁啊......kakaka

幾經辛苦終於行到我地落腳既地方
大爺爸同佢心理輔導緊..

見到大爺個樣咁迷汒, 我真係覺得好好笑..((戀態媽媽xp))

放低啲野, 安頓一切, 就出去玩喇!!!

亮點: 大爺對腳 XDDD

其實今次有進步啦, 無拖鞋都肯踩落沙

玩玩下適應左佢都唔怕啦..仲好enjoy添..
 

契媽買左啲釣魚道具俾佢地扮釣魚, 哈哈!!

越玩越開心

大爺爸仲掘左個窿俾佢地玩

細佬: 有啦有啦..釣到啦!!
大爺: 點解我無既??

細佬:嗱, 幾勁, 蟹黎架..
大爺: 媽媽, 點解我無既???

大爺: 等我俾心機先得

大爺爸臨時買左條泳褲落埋水陪大爺暢泳
兩父子真係開心, 難為我o係岸上面乾蒸=.=!!!!

woo~~~飛高高

見佢o係出面玩左咁耐, 曬左咁耐
捉左佢地返入黎休息下, 個大爺一坐底就話啲沙好dirty
驚到成個人震晒... ((可能岸上啲沙乾啲, 吉啲))

好浮誇, 手指腳指都屈埋晒...XDDD

玩到四點就叫佢地沖涼換衫閃

換完衫出返去食野醫肚

一個好疑惑既樣, 一個好期待食既樣

大爺: 點食啊??

兩個食相真係不得了!!

當然俾佢地食少少算, 見到好油咁
同埋我覺得味道麻麻, 唔會再買第二次..

之後去食個茶餐就搭船返屋企lu!!!