[[BIG YEAH]] 中秋節快樂!!!

8 ~9 SEP 2014

大爺第二年既中秋節

咁岩大爺爸放假, 本來都想PLAN下去遠啲啲

不過天氣唔係咁好, 打消左呢個念頭...結果都係o係樓下平台公園玩

不過平台玩都ok, 好多人好有中秋氣氛

o係奶奶度食完晚飯, 近近地o係奶奶屋企樓下玩一陣先

我地買左盒蠟燭俾大爺開下眼界 (俾佢睇我地玩..XDD)

細個時中秋節點少得點蠟燭呢

不過我地都係點幾支過下癮算

大爺初初都好好奇, 不過睇睇下自己又無得玩既, 無興趣睇落去

轉個頭走鬼左去lu!!!  臨尾佢唱埋生日歌吹熄晒我地就收埋啲蠟燭

大爺手上自己砌既, 我以為係太陽=.=!

我" 嘩...軒軒砌個太陽好勁喎!"

 大爺:" 唔係太陽啊, 係直昇機個"蝠蝠蝠"啊~"

不過個度啲好多大既小朋友跑黎跑去

我地都拿拿淋走, 返屋企平台公園玩

 大爺對自己砌既螢光棒直昇機好滿意咁, 唔肯放手俾我地拎

今年無買燈籠啊, 用返上年既毛毛算!

用到佢壞唔著燈先再換過個, 唔知呢啲燈籠可以用到幾多年呢??

去到公園, 大爺乜都唔玩, 淨係打千鞦

玩到十點見佢好眼瞓咁就走

臨走一家三口齊齊欣賞下個月光先

今日個月光真係又大又光, 好靚!!!

第二朝起身諗住落樓下玩

點知去到lift口, 大爺突然話肚痛, 唯有返屋企

去廁所又無野痾, 要人抱住, 淨係話肚仔唔舒服

無晒咁機既樣>< 

見佢想嘔, 拎定個膠袋, 諗住包無死

到佢真係嘔, 我就好快手拎個膠袋出黎, 點知...................

個.........膠...........袋..........穿窿架.......囉!!!!!@___@

好彩佢自己返落地下嘔, 如果成張梳化都係, 到時我真係人都癲...

嘔完就咁喇!!樹熊上身..

下午食完粥, 又嘔返晒出黎...

到瞓晏覺前, 我同佢既動作都係咁既樣...

瞓左四個鐘覺起身, 終於精神啲

仲同我講" 媽媽我無事啦, 開心返啦, 可唔可以食糖糖啊?"

真係俾佢吹脹~~~~~

見佢好似無乜事, 繼續今晚節目, 食韓燒..YEAH!!!

一好返又搞搞震無幫襯

 

 YUMMY YUMMY!!!!

大爺好ENJOY咁.....但其實佢淨係食手指餅咋...

我覺得呢間好味過BBQ7080

估唔到元朗都有韓燒食, 唔使去尖咀同人迫...

今晚要多謝個煙通

個煙通一拎落黎, 大爺就好驚啦...所以成晚都坐定定XDDD