[[BIG YEAH]] 開學日

02 SEP 2014

o係FB同 Blog見到好多小朋友都開始返學
我見到都好羡慕, 細細個人仔著起校服,仲要咩埋一個大過自己既書包
真係好得意^0^
搞到我好期待大爺返學既既一日
成日幻想大爺返學會點呢??
((好多人第一句就話,大爺一定唔會喊囉))

大爺今年唔返N班啦, 繼續同公公周圍去游山玩水
同埋嫲嫲下個月退休啦, 嫲嫲同公公會輪住湊 ((大把人同佢玩))
所以大爺好疏干, 開開心心玩埋呢一年先

雖則唔使返N班, 但PG都照返既, 等佢唔好玩到個心創晒,靜返落黎XDDD
大爺9月升大班啦, 開始唔使媽媽陪上, 自己一個上堂喇!!
以前每逢星期六媽媽陪上一個鐘
((不過媽媽衰, 成日帶佢走堂出左街XP))
依家就星期二, 四 上一個半鐘 ((公公帶返學, 唔使指意走堂..GOOD!!))
同埋媽媽星期六下午終於有返自己既私人時間..咔咔咔!!!


第一日自己上堂, 本來媽媽想陪佢返一日
扮下你地送返學, 又接放學, 好溫馨架嘛!
點知公司中秋做節, 唔可以請假陪佢lu!

升班, 有個書包送!!!
岩晒~~~滿足晒我想睇佢咩書包返學既慾望XDD

自己返學第一天:

公公話老師一開門, 大爺就一枝箭衝左入去除鞋入課室玩
一眼都望無過公公WAKAKAKAKA 拜拜都無句掛住玩
公公就好無癮就走左啦..

中途食茶點, 老師打黎交代下大爺今日第一堂既表現
大爺今日無喊過,其間有小朋友喊搵媽媽
佢見到又問下老師, 公公去左邊
問完又無野, 繼續係度玩...今日表現好好...叻仔!!

當然事後話返俾公公聽,大爺有問過佢去左邊
等佢開心下((其實只係人地問佢先問囉XP))

返學三寶, 老師指定要帶
PATPAT痕見你地淘寶啲人名貼咁靚, 我又整左張玩下..HAHA

夜晚返去搵佢書包, 原來有本手冊既 ((寫左今日學左啲乜, 玩左啲乜咁))

自己返學第二天:
老師話大爺開始表現真我, 走走走
 好搗旦, 將個波波放落同學仔個頭頭度!
 ((第二堂大爺就開始現形, wakakaka))
不過大部份時間都好乖, 好叻仔, 無喊過!!

完左老師SEND返啲相俾我睇, 等啲家長知道佢地上堂情況

應該抹手手等食茶點

臨放學, 要自己咩書包, 著好鞋鞋

公公話大爺一落堂出黎
就同同學仔講bye bye同中秋節快樂..
問佢學左乜, 佢話中秋節玩燈籠食月餅架, 仲要賞月架..

 

唔知幾時我先有機會帶佢上堂, 接佢落堂呢???