[[BIG YEAH]] 我兩歲半喇!!

21 SEP 2014
大爺兩歲半喇!!!!

最開心說服到大爺爸一年一度既旅行帶埋大爺去!!
好期待~我諗連大爺都好期待
因為有次星期日問佢, 今日想去邊玩
佢竟然答我"嗯~~~UM~~我想去日本"
我"吓, 日本, 好遠架喎"
大爺"要搭飛機架, 好似虎虎同公公咁"
好, 既然你咁想去日本, 今次好大可能會帶你去日本

之前講過大爺好抗拒去嫲嫲度, 好左一排
近排又發作, "痴媽症"越黎越嚴重, 連公公都係咁
間唔中就會咁以下難捨難離既情況出現=.=!!!

每朝起身都會同我講"媽媽唔好返工啦" , "我一陣唔見左媽媽啊"
"我唔去嫲嫲o個度啊", "我唔同公公一齊啊, 要同媽媽一齊啊" 
 問佢點解, 佢又話"我鐘意同媽媽一齊,我好掛住你啊"
嘩!!!冧死人咩, 你估媽媽好想返工咩??我都好想日日痴住你啦..

呢排成日洗佢腦, 媽媽要返工賺錢錢, 你唔會唔見左媽媽架
你掛住媽媽打俾我啦, 你記住媽媽電話no.啦..

洗完腦又好返啲, 我出門口唔會喊, 仲同我講bye bye!!
仲叫我放工快啲返黎搵佢..XDDDD

((其實只限朝早, 我一走左, 公公嫲嫲問佢搵唔搵媽媽, 佢就話唔搵我啦.
我打俾佢就掛住玩, 唔同我講電話, 呢個大爺係咪思覺失調???? @__@))

一路以黎大爺對顏色認知麻麻地!! 除左黑色,一定岩 XP
我地又無突登捉住佢教, 有時食糖順便問下佢咩色咁..
今個月突然大躍進, 問襯佢多數都岩!!

呢家唔愛sir滑梯, 愛打千鞦
仲要依家打千鞦好有要求, 不停話"要打高啲啊, 拉我高啲啦"
佢要我地拉到佢去最高點, 飛出去, 佢就好開心咁大叫

 公公近排教佢企係度自己打

見到佢好小心咁un下un下對腳, 好叻仔啊~

說話: 氹屎人 + 古靈精怪
有次大爺好肉緊咁攬住公公
大爺: "我好鐘意你啊"
我: "公公成身大汗仲攬,住佢 臭臭.."
大爺: "我好鐘意公公陣臭汗味啊"
wakakakakaka笑屎我!!!

所以好鐘意同佢傾計, 成日會有好多爆趣事發生

好識表達自己想點, 又會解釋俾你聽點解佢會有咁既諗法
(即係口水多過茶XDDDD)