[[公,婆,孫 三人組]] + ME 親親大自然

5 OCT 2014

[[公,婆,孫 三人組]] + ME 親親大自然

今朝一早公公就打黎搵大爺問佢去唔去農莊
大爺挭係答去啦, 但轉頭又同公公講:"媽媽呢, 但係要媽媽一齊去"
見你咁愛我, 懶惰既媽媽我唯有捨命陪仔XDDDDD

好彩........今日涼風陣陣, 唔太熱
行起黎都舒服啲, 如果烈日當空, 我應該半路中途暈左..

~~~~~好!!!出發~~~~~

大爺個背嚢係婆婆N年前買落無乜點用, 呢家俾左大爺
好FIT身啊~~哈哈
公公仲拎左掛頸電話繩個扣縫左係前面
唔使佢跑跑下甩, 真係細心

出發前同婆婆黎個合照先

驚吉吉既大爺, 有長少少既草都要人抱

大爺: 樹上面有蕉蕉啊~~

無草草就肯落地行喇!!XDDD

黎到大自然,大爺對好多野都好好奇
不停問, 呢個係咩黎架.....

呢棵又唔知咩黎, 好似啲木棉樹咁, 一拍啲棉花飛晒出黎

又古靈精怪

我件衫好切合大自然XDDDD

鋤~~~鋤~~~鋤~~

知你兩婆孫fd啦, 都唔使遮住我個樣囉..

嗱!咁咪好囉, 我有返個樣出黎喇~
睇下婆婆, 有孫滿事足既樣...幾咁開心...

婆婆話呢度啲稻米上次黎都未生出黎
呢家就生到咁高

路邊的野花不要採啊~~大爺~~XPPPP

呢度周圍都種左好多烙神花

茄子茄子

生菜生菜
大爺問: 生菜係咩黎? 即係生既菜菜子啊?係生架?

大爺睇緊乜東東???

咪就係蝸牛, 好多蝸牛啊~~~

公公拎左隻上黎俾大爺睇
大爺執起左, 望左兩眼好快掉返落水XDDD

呢張相重點唔係大爺
係後面生滿晒黃花既屋...好靚!!

大爺見婆婆把遮俾大風吹到反左, 笑到碌地
婆婆就為博愛孫歡心, keep住呢個pose都唔去整返把遮=.=!!

細細個成日玩怕羞草, 但呢家啲公園好少見到, 點解呢??
黎到呢度俾我地見到啦, 大爺好鐘意, 篤到唔捨得走..

行左兩個幾鐘, 食埋豆腐就走喇!!! 
呢度好多人突登ja車入去,單車友同行山友入去食
12蚊/一個人, 任食豆腐花同豆漿, 抵到無朋友,HAHA

大爺自己都飲左一碗豆漿, 我自就食左兩碗豆花, 碗豆漿
HAHAHA, 唔好蝕啊嘛~~

做完運動食乜都好味啲....... 食飽飽就返屋企lu!!


呢家秋涼大家都可以帶吓小朋友親親大自然..