慶祝大爺爸生日@環保農莊

01 NOV 2014

慶祝大爺爸生日@環保農莊BBQ

近排好忙,幫大爺報名K1, 日日就上網睇學校資料

有間仲要填問卷(兩題, 仲要俾八行位你填),我呢個hea媽真係頭都爆埋!!!!!

今日朝早同大爺完成佢一生第一場面試後,

加上今日係大爺爸既生日, 一於約埋啷啷細佬去玩下先..

地點: 元朗環保農莊

 錦上路 西鐵站一出,過條隧道就見到, 好方便

原來隔離係hello kitty 農莊,本來想走既時候順便望望

可惜己經天黑, 所以無入去

BBQ$100/一個人/四個鐘 - 包兩個飲品

呢度其實好細, 如果你地唔係BBQ, 好開行完玩晒!

BBQ呢啲粗重工夫緊係男人黎啦HAHAHA

我地呢啲女人當然陪小朋友玩啦~~~

呢度好多大肥兔, 一啲都唔怕人

俾$5買一兜蘿蔔絲就可以兩個人入去餵

無限時, 你可以慢慢玩慢慢餵

初初大爺都唔驚, 但啲兔仔太熱情, 係咁擒大爺

啲兔仔啲爪又吉吉, 所以佢開始驚!!XDDD

啷啷細佬好淡定, 費鬼事理佢...

俾兔擒完開始唔肯自己玩, 要痴住我喇!!

開心到呢~~

有契媽係度, 幾時都影到佢地笑

呢個大爺爸, 好專心燒野食, 無理過我地囉..

玩左一輪, 坐底食下野先

食左無耐, 呢個時候大爺又話要去廁所

((係~~最鐘意o係唔適當既時候急vv))

帶佢去完廁所, 又同佢行一個圈農莊先

稻草人~~笑~~~

 

大爺記得呢條叫茄子..

自己行無咁過癮, 返去嗌埋啷啷細佬一齊睇先..

我話"呢個係橙橙黎架!!"

大爺"唔係黎架, 黃色係檸檬黎架"

啷啷"我唔食檸檬架, 好酸架"

然後九秒九好驚咁走左.....真係搞笑...

大爺"嗱, 呢個係茄子黎架"

呢度仲有單車, 電動車租

$20/10分鐘

 睇下大爺有車車玩幾咁開心

笑到見牙唔見眼~

個口無合埋過!!XDDDD

大爺爸請兩隻野食雪糕

一人一支唔好爭!!

五點仲有魔術表演

兩個好投入, 坐定定跟指示一齊做動作

生日當然要有生日蛋糕啦!!

好明顯個蛋糕其實唔係為大爺爸而設啦..KAKAKA

HAPPY BIRTHDAY TO DAD DAD

祝你賺多啲, 身體健康啲,體力再多啲, 仲要愛我地多啲..XDDD

合照(一)

大爺對眼係咪有事??WAKAKA

合照(二)

大爺又搶鏡, 浮誇到呢..有冇咁驚

合照(三)

厭棄既眼神...衰到無朋友..haha!!

臨走大爺爸仲要燒多塊佢最愛既蒜蓉厚多士

足足燒左十分鐘!!!真係要求高...

之後仲玩多次兔仔, 大爺爸頭先未玩,生日俾佢玩吓啦..

呢個大爺, 個兜都無晒蘿蔔, 夾硬塞去兔仔個咀度=.=!!

驚青大爺, 襯兔仔食緊野, 好快手咁摸摸佢

發狂既兔仔又開始擒

大爺痴住我唔放...

今日真係體力勞動既一日, 不過玩得好開心!!!

唔知大爺爸開唔開心呢???XPPPP