[[BIG YEAH]] 32 + 33個月 冧豬豬

21 DEC 2014

[[BIG YEAH]] 32 + 33個月

11月面試月忙完一大輪,skip左一個月無打

 12月都仲係好忙,因為大爺爸下半個月返夜更

啲x'mas party都就佢12月頭開始

((即係x'mas得我同大爺兩個人過 =.=!!!))

大爺越大真係越多趣事, 每日都好多笑料
((要好好記低返少少先))

呢個大爺近排一影相就單眼

有時我話唔開心, 佢就又對住我單眼, 仲話"我咁樣氹你開心返啦"

=.=!睇黎佢覺得單眼係氹人開心

又有一日, 我叫佢單眼氹我,

佢竟然話"我唔單眼啦, 單眼會俾人笑架"

我:"邊個笑你黎啊??"

大爺:"啲人囉, 啲人笑我單眼啊"

 大爺本身都己經好識冧人,瞓覺拖要拖住一齊瞓
連大爺爸抱住佢出街都要拖住我, 成日話我好鐘意你啊, I LOVE U

近排越黎越冧豬豬 !!!! 升級到周圍冧人

例如: 同虎虎母母去食tea

大爺:"我拖住你食啊"

((仲要係十指緊扣o個隻))

食完又再拖過, 仲要捱埋過去!!

((好多人都俾佢呢招冧到暈得一陣陣))

婆婆有日買左支糖糖俾佢, 佢一路食一路行去婆婆度

大爺用好浮誇既語氣"婆婆, 真係好多謝你啊, 好好食啊"

((我覺得佢浮誇得黎有啲假囉=.=!!))

大爺好識扮野, 出街佢會扮到好乖好合作咁,

平時o係屋企都有唔乖既一面,

 有次刷牙o係度玩水, 鬧佢唔聽, 整濕晒件衫

大爺爸勞鬼氣收埋左啲車車就爆喊 

 大爺: "媽媽，嗚。。。你唔好抹走我啲眼淚!!嗚。。。

你抹走我啲眼淚我點喊啫! "
我: "咁你做乜要喊先？"
大爺:"我唔開心想喊囉，因為daddad嬲我所以要喊囉。。嗚嗚嗚 "
本來扮緊嬲既我, 都忍唔住大笑..XDDDD

一落平台就癲左咁狂跑

又有一日, 玩玩下無端端扒落我度
大爺"媽媽, 你係蘿拔仔"
我"下,下, 下, 咩蘿拔仔啊, 邊個教你架?"
大爺"公公教架囉, 蘿拔仔, 蘿拔仔"
((仲不停篤住我塊面講))
我"點解我係蘿拔仔啊?"
大爺:"即係你蠢豬囉, 蘿~~拔~~仔~~~"
@_@呢個阿公, 教唔教, 教佢啲咁既野~~~

呢家係咪興呢啲動物袋仔??連契媽都送左個俾大爺

發花癲既大爺

 

YEAH!!!!!預祝大家聖誕快樂!!