仲有差唔多兩星期影pre-wedding
又係時候更加努力忍口
唔知我呢兩個星期忍唔忍得住唔食署片,雪糕, 汽水呢??
我呢家成間屋都係呢d零食係度引緊我
之前由108磅減到呢家維持係98至99磅之間
明明之前講話目標係95磅, 好似無左件事添!!
不過最開心係個又厚又腫既膞頭無左..
都係通淋巴既功效,
呢家隔兩個星期都通一次, keep住去通淋巴
成日坐係office, 耐唔耐要去通下
隻手臂既拜拜肉都無咁勁, 但挭係仲有係度=.=真係難搞!!
上次去蝴蝶樹fitting, 我試完衫.
阿kit己經同我講覺得我成個身都薄晒!!
搞到佢都要走去通淋巴
真係開心, 有人見到我既成效
我仲以為係自己心理作用!!
雖然係咁, 但都唔好鬆懈
要繼續瘦落去!!95磅我黎緊架喇...等我!!
拜拜肉丫, 我好想真係同你講拜拜, 以後都唔想見到你!!
真係咁work!!!
回覆刪除我都好想去通下喎~~~貴唔貴呀?
[版主回覆06/24/2010 08:49:00]又唔係好貴丫, $198/45分鐘...
對我黎講真係work喎....不過我無通埋隻腳, 我次次都淨係通上半身咋!!!隻腳留返結完婚先通埋佢...
真係唔貴wor~~~ 邊度通??
回覆刪除[版主回覆06/24/2010 11:51:00]係粉嶺架, 係間按摩院, 近屋企丫嘛, 踢對拖鞋就過去^^d阿姐好夠力...同埋幾到位....
建議唔好去美容院, d姐姐仔唔係咁夠力!!
95 lbs...*0* 會唔會瘦得咋, 過瘦都唔好睇架....
回覆刪除我都係諗住減到105lbs咋 :p
[版主回覆06/24/2010 13:38:00]其實都淨係想d肉實d, 唔好咁鬆拋拋咁..
95磅我都係想下咋..kaka, 應該都好難達到呢個目標
@_@ 95磅會唔會比風吹走架~~~~ 我都由上年年頭的135磅減到得105~~哈哈~ 你都要加油呀!!!!但100磅得唔得呀~ 95好似真係會吹走呢~
回覆刪除[版主回覆06/24/2010 16:06:00]嘩, 你都減左好多bor...勁丫勁丫!!!!咁你有乜方法??
我呢家無再上返去100磅喇, 維持係98-99磅...不過女人緊係貪心,KAKA..越瘦越好...HOHO!!!
好似好 work 咁喎. 粉嶺好遠哦~~~~ 會唔會有分店呀?
回覆刪除[版主回覆06/24/2010 16:46:00]對我黎講幾work, 因為成日坐係office, d淋巴好易塞晒...
佢張咭片無寫分店...下次去問下佢先...
可唔可以比個地址我呀？我住上水好近吖~~但駛唔駛買套票o架？
回覆刪除[版主回覆06/24/2010 16:46:00]電話: 2682-2377 粉嶺碧湖花園G11地舖, 唔使買套票架...
嘩~好瘦呀...九十幾磅!!!!
回覆刪除[版主回覆06/25/2010 09:23:00]聽落九十幾磅好似好瘦, 但我最想瘦既地方都仲未瘦到...