又去3V-陪試

尋日去完廣州,

今朝又要去深圳, 連續兩日返大陸其實真係幾攰!!

不過要陪阿kit上3V試衫

幾攰都要上啦!!!

 

幫我地搵衫個助手真係唔多掂

搵左成3-4個字一件都搵唔到出黎

 

睇下我地幾得閒

等待中

又係等待中

最後我同阿kit忍唔住, 自己起身搵, 拎住幾件出黎試.

點知試左2-3件, 每件都扣得慢, 又扣得鬆,..扣左好似無扣咁

完全唔知佢做緊乜

問佢頭先俾佢d no. 搵唔搵到

又係咁望住張紙, 支吾以對!!

噢, 火都黎.........

 

所以我靜雞雞走左出去同個staff講要換人

嘩, 換左第二個真係好好多

即刻幫我地搵衫, 扣又扣得快

又主動拎d衫俾我地試喎....

不過阿kit之前寫定既no. 一件都無=.=

真係真係無乜款揀,一係話拎左去洗, 一係話著左出街

 同場仲有4-5個試緊...一見佢地試完有乜衫唔要, 就拎過黎試下..

我地連係室內影完換出黎既衫都唔放過..wakaka

試到成三點左右先閃!!

 

閃去對面羅湖大酒店check in

我真係好攰丫, 見到張梳化即刻坐落去休息下先!!!

 

見仲有時間, 去左附近間黃金海岸按腳

真係爽, 又有電視睇又有生果又有野飲!!

太攰喇, 真係要訓下...

佢地話我訓度好似o係自己屋企咁=.=

 

時間剛剛好, 按完去食野

bk左鳯山 5:30pm (日本鐵板燒+放題)

$168任食兩小時

見openrice d評語都唔差試下都無防..

嗯, 都ok丫!!有好多都好味

款式都好多!!

 

食飽飽同阿kit佢地分道揚標,

我地返香港喇...!!!