講返上星期六 11月20日
爸爸媽咪話同我去睇金
wakakaka, 去買金....幾唔得閒都要去啦!!
去混咁多間金舖, 周生生同周大褔d款比較多
最後都係去左金大褔
屋企唔係有錢人家
本來我諗住媽咪都係買對龍鳳鈪俾我, 點知買埋頸鍊俾我架
真係好開心丫!!
第一份嫁妝丫
本來睇中條龍鳳鍊架, 不過太貴喇....媽咪話無所謂
但都係唔好喇....
有睇過d花花, 試左又唔太襯我...怪就怪我無乜女人味..
最後揀左呢條蝴蝶鍊, 都好靚, 襯返我..
之後仲揀埋俾未來阿嫂
我揀左我睇中o個條龍鳳鍊俾未來阿嫂..
周大褔呢家手工做緊6折,
不過我地買得多, 同個sales傾到可以5折
買完d咁貴既野, 當然請爸爸媽咪食飯慰勞下佢地啦..wakaka!!
睇下媽咪買得幾開心..............爸爸就好肉赤
我會好好報答你地架喇!!
原來袋野都幾重...
買完仲有大抽獎, 成90張....
頭獎係3卡鑽石, 希望俾我抽中喇!!!
抽中當然我唔會袋埋, 俾返媽咪啦..
不過我一向都無乜中獎運@@
蝴蝶鍊好令呀................. 金金 對龍鳳鈪都幾重手喎
回覆刪除[版主回覆11/27/2010 09:30:00]keke, 蝴蝶鍊我好鐘意丫, 所以放棄所條龍鳳鍊俾未來阿嫂.
真係多謝爸爸媽咪, 呢家d金咁貴, 都咁重手............
嘩...早幾日, 我亞媽係周大褔買條錬比我, 得幾張抽奬卷咋, 你有90張咁多?? 證明你哋真係買咗好多野喎 ~
回覆刪除對龍鳳鈪係好靚呀 ~
[版主回覆11/27/2010 09:29:00]咦, 你都係周大褔丫.............. 係丫, 因為我地買埋未來阿嫂對鈪同鍊, 所以有咁多張..........
世上只有爸媽好~~ 你睇你地個樣幾幸福~ 而家金價仲係好貴呀, 我都唔知幾時去買~ 90張抽獎 卷, 機會好大呀!
回覆刪除[版主回覆11/27/2010 09:28:00]係丫, 爸媽係世上最好, 就算唔係有錢人家, 都好捨得買嫁妝俾個女.......真係好感動^^
嗯, 希望抽中啦............不過90張有排對
同家人一齊買嫁妝超幸福呀~~ 但諗起金咁貴搞到幸福度大打折扣 .. 變咗去放血咁
回覆刪除[版主回覆11/27/2010 09:27:00]係丫~~~呢家d金都真係超貴架, 手工到5折都可以限返少少, 但都好肉赤丫~~
宅小姐: 咦 ~ 久別數月 , 你們的婚事已籌備得如火如荼了啊 !
回覆刪除[版主回覆11/27/2010 09:24:00]係丫, 好快就到大婚之日, 好緊張丫~~
咦, 菊主.....你返黎喇~~
baba mama 真係好~~感動ing~
回覆刪除[版主回覆11/27/2010 09:23:00]係丫, 仲諗住買一對鈪就算, 點知仲有條鍊, 真係好開針~~~~
好 warm 啫! 記住好好咁保存喇.
回覆刪除[版主回覆11/27/2010 09:23:00]係丫, 我會好好keep住架喇^^ 嫁妝無乜事都唔會拎去溶........
條頸鏈好襯你ａｒ！！真架～～
回覆刪除[版主回覆11/27/2010 09:21:00]多謝你丫~~~~我都好鐘意條鍊丫^^
條蝴蝶鍊好得wor...夠眼光
回覆刪除[版主回覆11/28/2010 20:36:00] 多謝你丫^^
有90張抽獎咭咁多!!!!GOOD LUCK~~
回覆刪除[版主回覆12/01/2010 16:51:00]希望抽中喇, 不過我一路都無乜抽奬運...........不如你過少少運氣俾我, 你成日中奬
你爸爸好搞笑!haha~
回覆刪除[版主回覆12/05/2010 13:09:00]哈哈, 我爸爸成日都無理正經.............
所以生到我成家都係咁...