我既好好好朋友結婚!!
之前o個晚我同阿比仲出左尖沙同佢屋企執埋d手尾
11點幾先返到屋企, 拿拿淋沖涼敷mask訓覺
全日其實d 時間都係掌握之中
好順利!!!
只係.............有小小尾中不足既係d姊妹
阿kit都因為咁結完婚都唔係太開心..
所以選姊妹真係要慎重d咁揀....
Kit 笠笠 昌
d相係我屋企影....wakaka, 不過唔係我影
係哥哥影, 全部都係哥哥設計
仲有幾隻飛天豬紙牌俾d客人影相
入面個人名牌同出面一樣
((隻飛天豬俾我地由出面玩到去入面))
我地係伴郎伴娘!!
出面入口
相簿區
3v既相
個個都讚阿闊同多薰.!!!
全部姊妹
全部兄弟
YEAH!!!全體人員!!
真係"登"阿kit開心, 結左婚, 可以進行生bb大計喇^^
枱咭 (都係哥哥設計)
同出面D怖置一SET
回禮小禮物
好靚既曲奇丫!!!
但係.........我o個塊俾阿比整碎左!!佢仲食埋添!
都幾好味喎!!大家可以諗下喎....起埋可以食落肚...
我最鍚既洛洛豬終於黎喇!
即刻捉住佢影相!.
唔知係咪近得我多, 佢阿媽話佢越黎越似我=.=
講返晏畫
天寒地凍, 10度以下, 出左去外影
伴郎伴娘當然要隨行
仲要o係海皮, 真係超級凍!!!
好彩記得帶相機出去
可以影下佢地花絮, 仲可以自拍下!!
突然阿kit話想四個一齊影
我堂當登大對眼...........OH MY GOD!!!即係要除褸....
不過點都除啦, 咁難得.....凍死就凍死啦!!
呼~~~~真係超級超級凍!!!
又突然, 有本雜誌HONG KONG WALKER搵佢地影相
做左個短短地既訪問
仲放到成枱懶靚既食物
叫佢地影相
其他相up左係facebook喇!!有我facebook既自己去睇喇^^
經過呢一晚, 夜晚搭的士返屋企成程車係咁咳...咳..咳..
咳到落車!!!
返到屋企乜都唔理, 沖完涼就訓覺..
真係好攰...
yeah~~第一~~
回覆刪除我都好戥kit子開心呀!!
個wedding party一定好開心~~
好期待你個party呀!! 快d快d!!!
[版主回覆01/16/2011 00:59:00]咁快手丫...........
佢個日好開心架...............不過結完就苦del del左三日囉.............
我都想快d到我結婚, 拿拿淋完左唔洗煩........
嘩....阿kit對鞋好高呀 ....仲有點解佢可以keep得咁瘦ge!!(我依然不停咁食lor) 咁難得你同阿比一齊做伴郎伴娘...好開心
回覆刪除[版主回覆01/18/2011 08:55:00]哈哈, 佢對鞋成6吋丫...........我見到都好牙煙丫~~~
佢不嬲都咁瘦架, 以前仲瘦架, 呢家肥左小小架喇~~~~
我都係啦, 係咁食食食, 我仲話減肥添,..唉!!真係無眼睇.............你就快大日子喇, 快d戒口喇!!
你哥哥好犀利丫!
回覆刪除o的 deco 好靚!
[版主回覆01/18/2011 09:00:00]我代哥哥多謝你先^^
我見你big day d deco都好靚靚丫~~~~
yeah~~再恭喜你一次先!!^3^
哥哥d idea好有創意,好攪笑,好特別呀~ 好鐘意個幾隻飛天豬紙牌,好可愛呀^^ 洛洛個樣好似好怕羞咁既?? hahaha
回覆刪除[版主回覆01/20/2011 00:20:00]飛天豬好受歡迎丫...........
洛洛見第一次見到阿比丫, 所以怕羞..........
你哥哥設計得好靚呀!! 你個FD都係擺博藝會呀? 個飛天豬紙牌好CUTE呀~~ 你個FD WEDDING超得!!!
回覆刪除[版主回覆01/20/2011 00:25:00]係丫...博藝會黎架........
o個d飛天豬好受歡迎添丫....估唔到咁多人鐘意..haha
新娘子真係不怕凍不怕餓~ 果日特別捱得的~ haha
回覆刪除對cookies好大塊啊~ 又大又靚~ 自己整定係訂ga?
[版主回覆01/20/2011 00:27:00]係丫, 新娘子o個日係乜都唔怕架.........我見到佢都覺得凍喇.....
d曲奇訂造架, 真係幾靚....我都好鐘意, 不過都幾貴...
你哥哥好西利呀~!!!
回覆刪除好鐘意出面果塊BOARD 呀~!!!好過癮~!!
[版主回覆01/22/2011 23:48:00]哈哈, 我都好鐘意............好多人係出面影相...
真係睇到你啲相都覺得凍呀,下次見面我想聽姊妹o個啲故事喎~~仲有呀,做伴娘辛苦過擔一日泥,但係擔泥無咁開心喎,哈哈~~你啲咳好番未呀?
回覆刪除[版主回覆01/26/2011 08:52:00]真係超凍丫, 出到海邊仲要除褸影相
係丫, d姊妹真係激死我個fd, 出黎一定要講下................我o個日都無眼睇佢地...
d咳仲未好返, 不過無咁嚴重喇.......咳得無咁密喇!!.....
估唔到當晚真係見到你..haha,你比我想像溫柔好多呀
回覆刪除[版主回覆02/14/2011 00:14:00]哈哈, 係丫, 真係開心見到你.....係呢..近排唔見你打blog? 快d up下當晚既相, 好想睇唷^^