年廿九 - 初八@ CNY2012

年廿九

今年既年廿九留返去奶奶屋企食團年飯

我屋企己經一早食左喇, 我爸爸好識做, 自從我結左婚都會問左我邊日去奶奶度先..

費事撞期!!!







年初一

今年做左人老婆, 拜年行程都要變埋,

朝早無得跟爸爸佢地去拜年, 要晏畫先會合返佢地..

所以今年我係唔使早起身,

下午就去左奶奶度食開年飯

今年第一封逗既係奶奶封利是





而我同阿比第一封派既利是係俾佢姐姐



食完開年飯, hea左一陣就出發lu!!!

會合爸爸佢地去姑媽屋企團拜 (每年都係)

最先去到係我地一家, 所以可以一早霸住張麻雀枱..wohohoho



少少地win左五十幾蚊

發左個新年財!!!


廿幾年姑媽屋企都迫到好多人

大人既入面一枱, 小朋友既出面一枱..

今年叫左盤菜, 一盤過, 唔使姑媽煮飯咁麻煩...




今日團拜bebe都收到利是啊..嘻嘻!!!

我代bebe多謝你地啊!!未出世都有利是收........


食飽返去約左冬去許留山食糖水

順便派下利是!!






初二

每年都會跟爸爸返大陸, 去姨媽屋企拜年

不過今年我有特權, 大肚婆費事迫去過關, 好危險

所以今年初二好得閒咁留o係屋企

晏畫約左儀tea一tea

派利是之餘, 仲收埋佢張帖, 真係恭喜晒!!!




初三

今日係最凍

醒左起張床上網, 睇電視, 真係唔願落床

最開心今日無街去

我諗我除左食飯, 去廁所, 我今日既活動範圍都係張床度..

食完又訓, 訓完睇電視然後又再訓...

好厲害!!


初四

約左阿比中學同學團拜

呢個維他既魚蝦蟹幾特別...買一排就有得送..




但係呢個魚蝦蟹唔旺我, 我輸左30蚊啊..哈哈!!






初五

約左1120既blogger們團拜


第一站 -- 我樓下飲茶

有mcwin,查李斯,miss chan chan,笨豬小慧, 主人

落去拎飛驚見今日都咁多人等位,

早知再早啲落去等......不過好彩啲no.都嗌得好快..




第二站 -- 我屋企

第一次有人去我屋企拜年架咋....之前入左伙2年都無人黎拜年..

屋企太細喇, 我諗再多啲人真係無位坐..



多謝你地光臨舍下!!!




第三站 - 小慧HOME

Germanthea, chanwong都黎會合我地

打麻雀真係新年一大消遣



阿比黎到俾返個位佢打



夜晚打邊爐



真係多謝晒小慧既熱情款待啊

仲買到呢啲咁新鮮又平既海鮮..真係好美味啊!!!







初六

兩親家互相拜年既一日-,-

同爸爸媽咪去完奶奶屋企拜年

去食完晚飯

又同奶奶老爺去我娘家拜年

咁就一day喇!!!





初七

本來話去阿比婆婆屋企拜年

點知奶奶無端端打黎叫我地唔使去..

話佢阿姨今日派薑醋, 叫我地唔好去-,-

其實, 關事既咩?

不過唔理, 佢話唔使就唔使...


結果同阿比上水周圍行下

仲俾我地發現原來開左"五代同糖"

即刻衝左入去

食我最愛既心太乾, 仲有oreo木糠布丁

好滿足啊!!!






初八

在家做宅女一整天!!!!