6 FEB 2012
30wks2day
BK左今日照4D
本來應該27-28wk照最好, 但我bk得太遲喇!
度度都full晒, 結果要到今日30wk先照
今次去尖沙咀曾祥風醫生度照, bk左1:15pm
為左慶祝今日照4D, 自己特登早啲出去食個豐富既早餐(澳洲牛奶公司), 呵呵!!
雖然BK, 但都要等個幾鐘先到我=.=等到我發晒毛!!!
終於見到BEBE喇!!!!
諗咩呢BEBE?好苦惱咁喎!!
仲成日打喊路!!
照左大約20分鐘, BEBE都好合作, 無用手遮住塊面
所以都好順利!!
搞掂晒, 嗱嗱淋又要趕去威爾斯聽餵乳講座3:00
阿比都陪我一齊聽, 不過叫佢入去先.., 我應該趕唔切
@@點知真係遲到, 遲左成4,5個字
呢個講座我覺得好有用, 講解得好清楚
仲有短片教埋正確姿勢!
護協
聽完講座, 又出返佐敦護協買野
終於買左走佬袋啲野同少少BB用品
咁就用左四百幾蚊喇!!@@
其實仲睇中SET新幹線既床圍, 被
不過無買, 遲下先!返去諗清楚先...
睇睇下原來護協有COMBI 同APRICA既野訂架
仲平過出面荷花, 吉之島同一田@@早知架BB車遲啲先買..
之前阿KIT話送呢張餐桌椅, 護協都有得買
仲要平三百蚊度, 即刻訂左!!
WOHOHOHO....多謝晒啊契媽....
終於完成晒今日緊密既行程喇!
可以返去食餐好既
近近地o係樓下間西餐廳食我地既元宵節飯
二人set, 超飽!!!!好味...
pizza又薄又脆, 藍莓芝士餅都好好味唷!!!
食到咁飽, 仲要返娘家食湯丸添!!
追加:
護協價錢
Arau 初生洗衣液(無香味)800ML: $71
孕婦乳墊80片: $78
Huggies盒裝嬰兒濕紙巾80片: $34
奶瓶清潔夜300ML: $52
護康瓶: $25
奶粉格3格: $35
思詩樂嬰兒安全棉花棒56'S: $7.5
高級網褲6條裝: $55
KENDALL棉花球500'S: $32
SOFT TOUCH嬰兒專用清潔棉150片: $25
2012年2月12日 星期日
30wk照4D-->餵乳講座(威爾斯)-->護協-->元宵節飯
訂閱：
張貼留言 (Atom)
4D相, 好清楚呀 ! 哈哈哈 見到真係開心好多呀
回覆刪除[版主回覆02/13/2012 16:34:35]我個隻B不停郁, 又打晒喊路....
[小藍回覆02/13/2012 15:37:13]我o個個訓左冇咩變化…4個字夠晒喉…^^"
[版主回覆02/13/2012 11:52:36]真係好清, 照左4個字都仲唔夠喉想繼續照..好過癮!!
Your 4D pictures are very clear... Is it expensive...
回覆刪除[版主回覆02/13/2012 15:10:27]我之前bk左兩間都話我30wk太大唔幫我照, 話太迫可能照唔到...
好彩曾祥風醫生收留我,幫我照咋...^^好似話27-28週照係最好....
[小藍回覆02/13/2012 14:14:26]其實30W應該都OK呀, 我就早左D, 25W就照…好在都清楚, 不過大D好似會好似地D ^^
[小陳太回覆02/13/2012 13:48:20]Why is it better to go 2 weekly earlier? $1300 is alot for me... I always wanted to have a 4D, but dont want to pay to much. Will wait to see my baby when he comes...
[版主回覆02/13/2012 11:53:39]如果早多2週去會更加好....
$1300 啊, 唔算貴啊^^
點解我覺得d 4D相好恐怖呢..........好似d鬼形=.="
回覆刪除睇嚟我都要諗定BB禮物囉, hohoho by笨豬小慧simple
點解我覺得d 4D相好恐怖呢..........好似d鬼形=.="
回覆刪除睇嚟我都要諗定BB禮物囉, hohoho by笨豬小慧simple
[版主回覆02/13/2012 16:30:45]無錯無錯, 見到自己既真係有莫名既興奮....哈哈!!
[小藍回覆02/13/2012 15:36:42]睇人地既覺得個個差唔多, 不過見倒自己o個個又好開心^^
[版主回覆02/13/2012 15:12:01]小慧, 你第時有左, 去照4D睇到自己同主人既結晶品就唔覺得恐怖架喇~~~~
我都買左呢款波點highchair, 你真係成套aprica喎~~
回覆刪除你應該等照4D時去行護協嘛, 咁近, 唔駛行返轉頭, 又唔駛呆等, 我平時產檢睇開曾祥風, 上次問醫生可唔可以轉4D我睇, 點知2D都睇倒佢雙手遮面… 佢照4D有幾多張相?照20分鐘又唔錯喎
[小藍回覆02/13/2012 16:56:20]都係, 所以我都book到25w咁早照…佢得31同25w我揀…31我又驚太迫
[版主回覆02/13/2012 16:32:50]我都有打去babyicon, 但我bk2月6日佢full晒啊....
[小藍回覆02/13/2012 15:35:57]我反而去左babyicon照, 有百幾張相入碟
[版主回覆02/13/2012 15:18:32]哈哈, 真係成set都aprica....
本來都諗住照完4d去護協, 不過我老公唔係度, 我又趕住去聽講座, 唔夠時間, 所以唯有行多轉...
4D有成7-8頁A4紙, 頭4頁係六張相印一頁, 其飾三張放大左1頁一張相..同埋有隻CD俾返你...
開頭佢用2D照左初步結構既, 之後先開4D幫我慢慢照......
波點果張 Highchair 都係我 1st choice (因為我鍾意波點)，不迥我買果時吉之島無呢張，最後買左 combi ，你呢張堅靚 ~ 你買左咩色???
回覆刪除bebe o既4D相好清啊~打喊露果張好正 hehe!!!
[版主回覆02/13/2012 16:31:56]呢隻款護協$1960啊~~
[小藍回覆02/13/2012 15:36:16]護協幾錢?
[版主回覆02/13/2012 15:21:11]我買左啡色波點啊....原來你都係波點人..KAKA....我連BB車同揹帶都有波點.^^
似邊個多啲呢？
回覆刪除[版主回覆02/14/2012 13:18:04]啲朋友同屋企人都話似我多啲^^
買啦套新幹線, 我都好想買, 同真係平過出面, 不過有d野又係出面平d, 我上次係個度買左chu chu洗衣粉, 9x蚊, 平過出面11x! 點知有日行過卓悅, 69蚊咋!!!!!!!!!!!!!!!!!!!!!!!!!!!!!!!!!!!!
回覆刪除[版主回覆02/14/2012 13:20:27]hehe..你引我買..今個星期六又陪朋友去多次護協, 唔知我去到忍唔忍到手買..
卓悅買咁平啊.!等我用完又去卓悅望下先...
新幹線SET嘢我哋1120送比你吖!!!!你買吖~~
回覆刪除[版主回覆02/15/2012 09:27:02]WOW~~咁我唔客氣喇!!多謝你地先^^~~~~~~
又係波點,我想問護協係咪好似教協咁要証O架?
回覆刪除[版主回覆02/15/2012 09:27:24]係啊, 要有護協咭先得架~~~~
我好多野都o係護協買,真係比出面平啲...bb 打喊路果張好得意...
回覆刪除[版主回覆02/15/2012 09:29:09]bb係個肚入面好似好嘆咁, 又打喊路, 又拓晒頭...
護協大部份都平過出面, 我黎緊又再去多次睇下有咩買...上次去太多人喇~~
宅小姐:嘩!犀利的4D ! 小宅好大個鼻 ......^ ^ 佢愁緊出生後要應付幾多個訪問 .....
回覆刪除[版主回覆02/15/2012 09:29:53]哈哈~~~bb個鼻似我啊, 扁扁地...
4D相好清, 你照幾$?? 我都book 14/3去照, 希望我小小bee都肯合作照得清楚d!!!護協係唔係任何人都去得買東西?? 地址係邊?? 另走佬袋啲野係set 好?? thanks!!
回覆刪除[小beebee回覆02/16/2012 10:17:30]我BK 個度係照結構個間,好似$1200,所以見價錢OK, 地點又方便咁先CONFIRM照4D,而且上次照結構,小小BEE唔合作,看唔清楚個樣,咁老公好奇想看清楚小小BEE個樣,所以照啦!!!
[版主回覆02/15/2012 09:45:43]我照左$1300啊~~~你bk o個度幾錢啊??你同小小bee講, 記住乖乖地唔好遮住塊面...我照之前都係咁同個b講...
我都唔知無護協去唔去得買野, 我上次見如果有雀巢同惠氏咭都好似有折, 你可以打去問下...!,同埋佢o個度走佬袋有一set買架, 不過我散開左買, 因為我朋友俾左啲產後衛生巾我
地 址：九龍佐敦白加士街25-27號慶雲商業大廈三樓
親子天地（一樓） 2314 6925 3521 0321
哇`~睇得好清楚喎~~~
回覆刪除睇到你果句:諗咩呢BEBE?好苦惱咁喎!!
再望埋張相~~真係好貼切,笑了~~!!
[版主回覆02/15/2012 09:46:14]哈哈, 佢真係好多野諗, 我有幾張相都影到佢拓頭...
嘩..4D真係睇得好清楚呀!!
回覆刪除[版主回覆02/16/2012 13:09:21]係啊....唔知出左黎個樣同照4d既似唔似呢...
4D影得BB好得意呀, 又多動作! 乖BB!
回覆刪除[版主回覆02/17/2012 16:08:24]好彩佢乖乖地俾我地影...睇4D真係好開心架...^^
4d真係照得好清楚呀, 最緊要係佢無遮住自己個樣呀,,,你呢張餐桌椅好靚呢, 貴唔貴呀?!
回覆刪除[版主回覆02/18/2012 12:14:47]唔知算唔算貴呢, 護協價$1960 (因為我係波點怪, 所以買左呢張)
bb 好得意呀!!!!!!!!!!! 張餐桌椅好靚同埋好實用呢....波點我都like~~
回覆刪除[版主回覆02/19/2012 11:39:47]YEAH...你都鐘意波點架.....GIVE ME FIVE, 哈哈!!