莊大爺七個月喇!!

呢家就8個月先打返7個月..哈哈!!

因為近排為左幫大爺買衫換季, 不停上網....睇CARTER'S, OLY NAVY...等WEB SITE.

買到我都破產!!


莊大爺七個月!!

21 / 10/ 2012

七個月, 開始扶住野企

床亦由佢開始識企, 較返低張床了!!


每朝早自己醒左就爬起身企,

仲拎隔離枱啲野玩=.=唉!!!睇黎要清左枱面啲野

由頭玩到尾, 由左邊企到去右邊, 真係無時停!!



有次見佢未起身, 出廳換衫執野返工

無端端衰仔就"啊"左一聲, 我望入房, 佢企左係度望住我

個樣就好得戚咁, 唔知係咪想話我知自己好叻, 企左係玩


呢張公公影..!!


公公湊其實幾好, 又唔會縱佢 , 又唔會咁"痾哥"

但有一樣唔好, 就係乜都俾佢食!!!!大爺連公仔麵都試過喇..

但唔係多, 幾條度啦!!

如果唔過火我都唔會出聲, 因為始終公公湊, 己經好辛苦

我費事仲俾咁多說話佢聽



之前開始冷有俾睡袋大爺用, 但近排涼左無開冷氣就無用睡袋

結果, 一唔用個晚就瞓到咁

點樣可以掉個枕頭去背上面既呢?????



拎開個枕頭, 見佢攬住另一個, 唔通佢鐘意呢個多啲??





然後, 有一排好鐘意用個頭鑽鑽鑽, 唔知鑽乜野

但真係好好笑, 好鬼想打爆佢個PATPAT!!




I LOVE U 大爺, 諗住啜啜佢, 佢就咬咬我!!