21 DEC 2012
大爺九個月喇!!!!
呢個月大爺不停豬咀=.=!!就好似下面張相咁...
因為佢一次標緊4隻牙出黎
應該牙痕!!!!仲不停啜心指, 指不離口, 指癮好大...
又唔俾人掂佢個咀, 我想影下佢地牙都無機會
奶量方面: 己經可以飲到八安喇!!!
自從識坐後都好少掃風
佢自己玩玩下就會"er"出黎!!
體重: 18磅 (著住衫磅)
每日必做:
公公每日都會帶佢去附近既政府遊戲室玩
因為屋企細, 完全無位俾佢爬
大爺呢家可以爬上滑梯, 爬上樓梯
仲係滑梯上面爬落去 ((下次再打下大爺玩玩公園篇))
大爺真係無時停, 坐左係HIPSEAT度隻腳都係咁FING係咁郁!!
最鐘意拎住一樣野打落另一樣野度,
好出力打打打, 打到亨亨聲佢就好開心....
有一日, 公公包到大爺咁SEND相過黎..
我係公司就O晒咀, 明明俾左褸佢著, 做乜要拎條毛巾包到佢成個阿差咁..
真係爆趣!!!! 
呢排寒冷天氣警告, 之前買左張子母披肩終於可以用喇!!
真係好方便,包左成個青豆精靈咁...好得意!!
就快到新年, 諗住同大爺共同進退, 帶埋佢返大陸拜年,
所以襯早放, BK左去搞身份證, 特區, 同回鄉證
實在太多人, 無位坐, 餵奶都係咁樣餵...
2013年1月3日 星期四
大爺九個月喇!!
訂閱：
張貼留言 (Atom)
公公包到大爺可愛^_^
回覆刪除[版主回覆01/09/2013 15:20:33]包住左佢仲要郁都唔郁啊....好好笑..!!
大爺好可愛呀。。
回覆刪除實在太多人, 無位坐, 餵奶都係咁樣餵.. <==咁都冇人讓坐？？？
[版主回覆01/09/2013 15:18:34] 係啊, 好彩後尾我見有人走, 即係zip埋去坐...
成粒青豆咁＞真係好似呀！好可愛
回覆刪除[版主回覆01/09/2013 15:17:41]青色我至愛, 仲要包左之後成粒青豆咁, 好過癮..!!
張子母披肩好好 WOR, 邊度買架??
回覆刪除[版主回覆01/09/2013 15:17:09]o係fb一間叫shopping mama 度買架~~~我買$19x, 呢家加左價lu, $23x好似..
個hip seat連餵奶都得,好方便呀!!!幾時開始用得架?
回覆刪除[版主回覆01/09/2013 15:16:26]佢可以打直抱同坐就可以用架喇!!我大約6個月度先用......
我想知個hip seat邊度買, 有朋友想要, thx K
回覆刪除同埋, 政府遊戲室真係一個好地方, 大爺玩得好開心~~係唔係圖書館o個d??
by笨豬小慧simple
[版主回覆01/10/2013 15:11:00]http://www.happyebabies.com.hk/productDetail.php?id=19&lang=2
呢隻牌子啊!呢間香港有得買, 但貴啲....
我都唔識用G-MARKET, 好深奧啊~~~~
[SimpsonSimple回覆01/10/2013 14:33:05]你仲記唔記得hip seat的型號/牌子?? 或者有冇link??
但我唔識用G-market=.="
[版主回覆01/09/2013 15:16:39]hipseat朋友o係g-market幫我買架, 香港yahoo或者賣bb既舖頭都有買架...但就貴啲囉..
係啊, 政府體育館入面架....免費, 真係一個好地方..kaka
你揹得好輕盈呀~ 可能同你身形FIT有關~
回覆刪除[版主回覆01/25/2013 11:02:41]但我都係 肥肥地 個類喎~~~~
大爺cross over 阿差<====limited edition, 笑了!!!
回覆刪除[版主回覆01/25/2013 11:03:31]哈哈, 我o係公司收到張相都笑左出黎...