公公教識大爺自己轉身PATPAT落地喇!!
但係惡夢開始喇!
識左之前, 放佢係床, 梳化, 凳, 枱, 都走去轉身要落地
我就不停等佢落左等, 又抱佢返上去
唔俾佢落地, 佢就係度EE哦哦鬧我=.=正四仔包!!!
仲未夠, 公公帶佢去公園玩
佢爬完樓梯上到去, 識去"sir"滑梯, 真係過癮
仲好似揀緊邊條滑落黎好@@
呢條片臨尾真係好牙煙, 如果佢跌左落黎點算???
公公好似無意慾扶佢咁, 睇到都心驚...
所以話, 大爺真係好百厭,
己經試過係hair chair, BB車, 床, 梳化跌落地
好彩無事!!!大吉利是
識作反喇〜開心既係佢又學多左野！
回覆刪除[版主回覆03/05/2013 17:23:41]係啊, 呢家唔俾佢落地發脾氣啊...
哈哈, 識得自己落地, 你地就唔得閒啦!!
回覆刪除[版主回覆03/05/2013 17:24:32]成日要望住佢爬去邊......... 都唔知開心定唔開心好...
大爺好叻呀！！
回覆刪除呀公公～～～～～要扶住吓大爺呀。。唔係媽媽會好擔心架！！！！
[版主回覆04/08/2013 15:00:29]係啊, 大吉利是咁高跌落黎都好鬼痛.....