大爺1st Birthday

2013.03.21

大爺一歲喇!!!!

我地無幫佢搞party啊! 都係等佢大個啲先搞啦~~


不過話晒都第一年, 我就買左啲道具同佢影下相留念



全部係好難影=.=!!不停蚊走痴係前面啲牌

非常之手快啊!!!




好難先影到啲相唔震震狗!!!

不過最衰媽媽懶, 無拎相機出黎影..哈哈, 用手機影啲質素真係麻麻地..







訂左勞蘇王cupcake!!!

((大爺呢家至愛係勞蘇王))

樣靚, 味道都好好~~~

我係呢間訂既:
http://www.facebook.com/patisserieflower








俾佢食左啖曲奇同旦糕

yummy yummy!!!!




買左生日帽俾佢, 佢係唔肯帶架

係咁要除落黎, 結果, 得呢張影到頂帽係佢頭上面既...




帽都俾佢整爛埋...



全家褔!!!






一歲既大爺

學野越黎越快,

飛吻, 會成隻手打落自己個咀度...

呢家問佢車車, 樹樹, 花花, 鴨鴨, 狗狗, 佢識指俾我地睇

仲識扮狗狗wow wow叫<--係公公婆婆教, 我問佢地做乜好教唔教, 教佢狗叫..

近排識鴨鴨叫...


佢平時掉野落地, 我地會"哦~~~~" 黎話佢

佢呢家跟左我地, 仲手指指"哦~~~~"話返我地轉頭





仲有一樣想佢學既, 佢終於識喇, 就係用飲管啜野飲

不過大爺依然係唔飲水, 只肯飲汁汁=.=!!


尋日打一歲針, 磅重9.2 kgs, 即20磅度

其實大爺食好多野, 唔知點解食激都唔肥既

塊面無左包包面, 個個都話佢瘦左好多

呢家3奶2粥, 平時我地食飯, 都有餵佢食飯飯同啲魚魚俾佢.

呢家計劃夜晚個餐跟我地一齊食飯飯

((要去買定啲較剪先得))


行方面, 呢家出街會拖住佢行一陣, 佢一落地就好興奮

不停衝啊衝啊...行到好快!!

但一放手就mum係度 (仲未識自己一個人行))



痾bubu方便, 之前買左個廁板放廁所上面

每朝飲完奶都放佢上去, 佢自己坐一陣就會痾bubu喇!!!



有時見佢向住我"唔"一聲, feel到佢係想bubu,

我就叫佢等陣, 即抱佢去廁所

通常呢個情況開片己見佢有半條bubu痴住係bubu口度出緊黎..wakakakaka

一放佢落佢, 佢就即繼續再痾