((初四)) 野餐去@彭褔公園

3 FEB 2014

大年初四

尋日初三o係屋企休息左一日

今日初四開始出動

今日節目係"野餐"HAHA

我張野餐墊買左咁耐, 終於用得著喇...

本來諗住去迪欣湖, 但朋友想帶埋狗狗去, 所以改左去彭褔公園

嘻嘻!!!仲好, 我近好多XD

我地每日整一樣野去食

我就整左鹵水雞翼

大爺有得收大利是, 叫佢做乜都肯做

出發前突登暗左大爺瞓左2個鐘, 幾精神..

um...開始唔耐煩了!!!要走...

摸摸卓卓, 乖乖~~

今日好多人, 仲好多狗狗添

我地坐係度, 每隔幾分鐘就有啲狗仔衝埋黎

你睇大爺幾嘆haha

因為想佢o係個野餐墊範位內, 突登連佢對襪都除埋, 嘿嘿~

((大爺怕吉吉草, 除左襪唔會行出去))

呢家次次換片佢都笑到咁, 勁興奮, 仲要唱"咕咕咕咕"@_@

郁黎郁去,起碼換成個字先換到

好喇!!媽媽食完野吹完水, 可能俾佢著返鞋落草地放電喇!!!

熱下身先~~~

成日要拉住卓卓行

不過卓卓好似唔多鐘意, 成日停左係度

大爺就不停叫佢"行啦卓卓, 快啲行啦"

我地既招牌pose..哈!!!

同卓卓, syliva ee影返張合照先

我仲帶左小朋友最愛既泡泡去

大爺追住啲波波好開心

好靚靚!!!

留得住佢個頭, 留唔住佢對眼

想自拍一樣都咁難, 佢對眼被周圍啲狗狗吸引住..

打後幾日, 大爺都日日問住"卓卓o係邊啊??","卓卓走左啊?" 

真係好掛住卓卓, 等卓卓離開香港之前帶大爺見多次佢先

同埋野餐幾好玩,要帶多啲大爺野餐先

吸下陽光同新鮮空氣