02 MAR 2014
大爺爸近排身體上有啲事, 醫生寫左好多日假俾佢
起碼成大半個月都唔使返工!!!
所以星期日可以family day 喇!!!
今日一家三口去踩單車, 同埋幫大爺影兩歲生日相
大爺好興奮, 有得坐大爺爸架單車
沿路不停怪叫=.=!!!
其實我踩左都唔夠幾分鐘, 我開始後悔
我個膝頭己經好攰好痛, 生完之後真係無做過運動,
啲骨頭都唔聽使喇=.=!!!
大爺爸話佢平時踩去幾個字既路程
我足足用左成個幾鐘先到...嗚嗚, 我真係好攰啊隻腳
好彩大爺乖仔,不停大嗌.."媽媽~~~加油啊", "媽媽~~~~好叻叻啊"
可惜後面通常會加句"媽媽你好慢啊, 踩快啲啦"
((哼!!!!!!!!!衰仔, 一定係大爺爸迫佢講既!!!))
唉!!!終於到目的地喇!!真係開心
一放大爺落地佢就不停周圍走, 勁high!
即刻拿拿淋同佢影相 , 因為開始落啲毛毛雨, 仲要無端端凍左
無時間用手機影添, 等大爺生日再post相啦!
後尾仲越落越大添, 結果去左食豆腐花避下雨先
大爺一落車就話眼瞓, 好快瞓左..kaka..yeah!!
有得安安樂樂食野喇~~
呢度啲豆腐花同豆漿俾左錢就任食, 我好似食左4-5碗
o係度休息, 等到大爺醒先走!!
臨走見到貓貓, 玩左一陣
估唔到無端端凍左, 無帶厚褸俾大爺
唯有用大爺爸件衫包住佢..
好唔容易先踩到返屋企附近
見時間尚早, 又去公園放下電先, 玩下泡泡影下相
一落車見到佢呢身造型, 真係忍唔住要影低佢XDDDDD
玩完返到屋企
我雙腿己經唔屬於自己, 行又痛, 唔行又痛, 痛到我成晚無郁過!
連瞓覺都要痛住瞓~~~睇黎我都要做下運動=.=!!!
大爺爸無事吖嘛,保重身體呀!!
回覆刪除好彩大爺乖仔,不停大嗌.."媽媽~~~加油啊", "媽媽~~~~好叻叻啊"<----本來想問你當時係咪冧爆,但當睇到下面嗰句時,即時忍唔住笑咗出嚟,...你哋一家真係好攪笑!
多謝妹豬媽, 大爺爸無乜事喇, 今日開始復工喇!!
刪除大爺爸無事麻，希望快d 好返啦 ^^
回覆刪除哈哈，last 果張相真係好攪笑...卡娃兒..
好似啲印度人咁, 要包到淨返塊面...XD
刪除笑C我, 副骨頭硬哂~ 咁你順理成章將活動型親子活動留俾大爺爸
回覆刪除你就做文靜型囉~
其實我不嬲都係文靜型架啦...呵呵呵呵!!!!!!!!!!!!
刪除阿比保重呀～～～
回覆刪除你都做多啲運動，健康啲呀！
係啊, 經過今次之後真係要練返好款骨頭先得喇~~~~
刪除痛左我幾日...XD
我覺得你仲踩得郁架單車已經好堅㗎啦，我都係生完到宜家都無做過運動，追吓巴士都索晒氣呀﹗而且你有大爺不停為你打氣，真係冧晒啦﹗我好肯定後尾兩句係大爺爸逼佢講，絕對唔係大爺嘅心意來嘅﹗XD
回覆刪除生完真係無時間做運動~~~身子都差左..係時候操返FIT自己先得..
刪除YES, 好肯定係大爺爸逼佢講...WAKAKAKAKA...
保重呀大爺爸爸~~~ 我好中意大爺件波點衫, 好正~~~
回覆刪除多謝SHARON~~大爺爸呢家無乜事了!!!
刪除HEHE...波點衫, 呢件我都好鐘意啊~~~^^