戒啜手指 (27M)

戒啜手指 (27M)

由細到大, 大爺都有舖啜手指癮

最沉迷手指既係歲半前--坐係度無聊就嘆手指, 一隻手玩玩具另一隻啜

 歲半後 通常都係瞓覺先啜, 啜到呢家己經2歲都仲啜緊..

查實都唔係大爺自己乖乖戒,

自己買過手指水搽都唔成功, 

今次係佢終於啜爛左隻手指迫於無奈戒既..XDDDD

有一日大爺發現手指公有個pop

大爺: 媽媽, 我隻手指有啲野

我:  睇過, 咦...係喎, 我幫你met左佢

((met完, 大爺好驚訝))

大爺: 啊...媽媽你met爛左我隻手指

我: 唔係我met爛, 你啜爛啊...咦吔....爛左啦, 好肉酸

大爺: 爛左啦, 唔啜得手指

我: 係啊, 唔啜得啦~~~不過你可以啜既, 啜啦

大爺: 唔啊唔啊, 唔啜啦...

自此, 大爺隻手指公啲皮越甩越大範圍

呢家仲未好返!!!!

而佢都無再啜手指瞓覺喇~~

不過亦因為無得啜住瞓, 等佢瞓著既時間就長左...