[X'MAS 2015] 公司除夕PARTY

31 DEC 2015

公司除夕PARTY

今年帶左大爺返公司開party

佢知道有得同我返公司, 佢真係開心左幾日, 仲好期待添~

因為佢記得公司好多野玩hahaha, 成日都叫我帶佢返公司

唔知係咪期待得滯, 一返到公司就發燒

好彩既係佢因為有咳, 我帶左咳水包藥入面有退燒藥

俾佢食藥仲瞓左個覺就精神晒!

好喇!開始玩喇~

同事們今日都有帶自己既仔仔/囡囡返黎

因為老闆個囡囡「洛洛姐姐」由出世到依家日日都返黎公司玩，

所以公司有晒不同年紀岩玩既玩具

小朋友真係好愛玩紙皮

洛洛姐姐整整呢個屋仔好受歡迎，

大爺玩呢個都玩左好耐

周圍都發現洛洛姐姐整既古怪野

仲有去勘下水，大爺好愛勘水機啲水

踩下單車，幾寫意

呢度玩下，嗰度又玩下，真係好忙

點知三個男仔就最愛呢個hello kitty城堡

玩到12點開party食野，大爺開始又無電，佢話唔想玩，想返屋企！

捱到抽獎活動完左我就拿拿淋同佢返屋企休息。

今次病左玩得唔夠盡慶，下年黎玩唔好病喇！