[山系大爺] [初七] 大埔沙螺洞+ 林村

14 FEB 2015

初七

[山系大爺] 大埔沙螺洞 + 林村

公公話沙螺洞今日有舞獅睇, 所以我地又去行山啦~

呢個傻大爺拎左婆婆條毛巾黎當斗篷, 仲話自己係super man

今日天氣熱返好多,行一陣己經出晒汗

呢位小朋友專係揀啲唔正常既路黎行

大爺要求我影到佢條斗篷飛起喎~

兩公孫聽到爆竹聲就狂奔去睇

其實仲有一段路先到, 點解佢地兩個要跑?? 追到我氣都咳~

我地離遠睇,好熱鬧, 啲爆竹聲無停過

跟住隻獅子入村

大爺唔夠高睇, 公公俾佢騎膞馬..XD

望遠睇好喇~唔係會耳聾

公公上個星期行山經過呢度, 發現左有塊好靚既花田

所以今日睇舞獅之餘, 順便帶我地黎睇下~

我第一眼望真係覺得好靚啊!!

全部都係油菜花黎

網上世界真係傳得好快, 我地去嗰日花田只有約十幾人，
隔左幾日己經勁多人去，亦都睇到網上呢篇報導, 真係唔講唔知!

http://topick.hket.com/article/1371109

 如果佢地如報道講破壞自然生態環境而換黎呢個花田, 咁真係唔要得啊~

大爺帶左隻機械人去

情深的一吻

低炒影大爺好似企係花田中咁

其實個花田都唔係生到密密麻麻

我企起身影就影到個窿

影左陣就走喇！

本來係行去鶴藪，不過宜姨突然叫我地去林村，所以就落返山會合宜姨喇！

大爺爸都放工喇, 黎join我地
表妹同大爺搭巴士時己經昏睡左..wakakaka

我地就搵間餐廳坐低順便食飯
表妹醒先

大爺起身見到表妹又糖痴豆咁

食飽飽就出去行下喇!!

呢個人叫佢影相就走黎相機面前
影到佢大面面wakakaka真係靚仔啊!!

買左個細風車俾大爺

有冇發現表妹件衫好熟口面
其實係大爺架, 點解大爺3歲仲著緊既衫, 表妹5個月就岩著?

一場黎到緊係去許願樹啦!

準備好喇!

大爺話要自己掉, 好啦!俾佢試下啦..

但佢掉左幾次都掉唔到
仲問我點解喎=.=
我答佢你食得少飯無力所以掉唔到囉..XD

好啦, 最後都係要大爺爸出手, 掉一次就掉到上樹喇!!

出面仲有美食檔, 可惜我地己經食飽左野啦~

大爺見到雞蛋仔又話要食
我同大爺爸都話唔買啦~咁貴
點知轉個頭佢同婆婆返黎拎住袋雞蛋仔 (暈)

我就買左條士多啤利雪條, 又幾好味喎!

大爺即掉左袋雞蛋仔俾佢老豆
我條雪條就俾佢據為己有左

呢檔"發財鳥"幾過癮,食雪條加$20可以玩
就俾大爺玩下啦~

最後當然唔中啦..KAKA

由年廿八玩到初七, 話咁快放完個新年假
點解放假既時間過得特別快既呢??