[放暑假2016] 童夢城@機場

17 JUL 2016

童夢城

暑假放咁耐見唔到啲同學仔, 緊係要約出黎一齊玩啦~

同學仔媽咪話童夢城 4歲小朋友有優惠, 問我地去唔去

見個優惠價錢都ok喎, 所以就一齊去喇!!

 $320, 2大1小 , 可選5個職業 , 1500-1900

今次有佢最好既兄弟, 同佢既拖友, 佢未出發己經興奮喇!!

住得近有好處, 齊齊搭機場巴士出發, o係巴士度大爺太興奮唔肯瞓

到達, 登記左之後就有本passport

仲未夠鐘入場, 4個小朋友o係出面跑黎跑去, 己經玩到癲左

好驚佢地玩到放晒啲電, 入到去無精神XD

剛才登記時聯員己經派左今日既時間表, 有5段時間, 一個時段揀一個職業

我地大人就要研究下玩職業既先後次序喇!!

大爺幾日前好明確, 仲好長氣咁同我講, 一定要做"機場特警"

其他就我決定!!

1500準時俾我地入場喇!!

要拎住本passport去你想做既職業登記預約

passport有個條碼, 要拎去登記站do一do, 會出左張貼紙

((後面就係登記站)) 

P.S, 消房員係最搶手架, 好快前2段時間既都FULL晒

貼o係passport度, 到時俾職員蓋印

第一個職業未開始前, 佢地幾個又玩到癲左仲揇埋一舊

佢最好既兄弟, 真係老友鬼鬼架!!

第一個職業: 育嬰護士

因為2個女同學都玩呢個, 我就問大爺, 做呢個定做太空人

可能佢見啲同學仔揀呢個, 佢又話要做育嬰護士

所以就揀左依個咁女仔既職業喇!!!XD

入到去換完衫, 就會有影相姐姐幫佢地影相

影完會放小朋友出黎一陣, 俾大人影下相留念

嗯!!!都幾襯大爺啊~KAKA

好兄弟

女仔套衫粉紅有埋頂帽好靚!!

隔住玻璃可以望到佢地做緊乜

個個都好乖, 跟足指示做!!

第二個職業: 消防員

其實佢o係入面好耐, 聽職員講解, 唔知講解左啲乜

我就同大爺爸走位行下影下相

終於出黎喇!!去救火啦~
真係有水出架..haha

女仔去左做空姐, 得返佢地兩個

返完工 , 會有人工出架!!你睇大爺幾開心賺到錢haha

第三個職業: 機場特警

真係好有型!!!呢個造型好岩大爺~

個個換好衫排排坐

終於出黎喇!!
大爺一行出個勢真係好型, 完全唔笑, 扮嚴肅!!
仲要好專心跟住條隊行, 我真係覺得好好笑~

好似好留心姐姐講乜咁, 佢地出黎有任務要做
要搵啲危險品出黎

大爺爸走去扮壞人同佢玩, 佢先笑返..WAKAKA

完成晒所以任務, 就可以影下相先返入去

有唔有型??

我唔知點解佢對腳要開咁大KAKA

齊齊對付壞人, 個壞人就係........大爺爸喇!!

其實扮型既POSE我同大爺爸都好在行架..嘿嘿嘿~

第四個職業: 外科醫生

呢度啲影相哥哥姐姐咁勁, 個個小朋友都好合作企定定俾佢地影相
大爺仲笑到四萬咁口!!

大爺好似著左條裙咁..好嬌俏!

好似一對情侶係度調情咁, 你MET我, 我又MET下你~

好專心

第五個職業: 機師

今次無得隔住玻璃睇,出面得個電視俾你睇入面
但我淨係睇到佢地係度換衫, 唔知佢地係入面做乜黎~

聽大爺講係入面ja飛機, 個呔盤仲可以拉高架喎~

出黎俾我地影相!
大爺啲表情真係好無敵, 我同大爺爸真係唔夠佢黎~

呢套衫實在太大, 唔岩身, 唔會著得有型囉..HAHA
叫佢同女神影相, 企企下就拖人隻手先影

終於玩完5個職業!!坐底食下野休息下先~
古靈精怪既大爺玩突出!!又拖住女神隻手..

((平時放學係女神主動拖佢, 今日大爺好主動喎..wakakaka))

賺左啲錢, 可以拎去換一盒飲品

今日玩得實在太開心喇~~佢~~~
我同大爺爸就係負責排隊同影相囉...hahaha

諗住佢玩到咁攰, 又無瞓晏覺, 上巴士就瞓
點知又同同學仔玩到唔捨得瞓!!