[山系大爺] 古洞配水庫 -- 麒麟山

快啲拿拿淋打埋16年既BLOG先

18 DEC 2016

[山系大爺] 古洞配水庫 -- 麒麟山

又係山系大爺嚟啦~~哈哈!!
其實如果我地要行, 個個星期放假都有山行
因為我地身邊有一班愛行山既親戚

今日我地又跟佢地行YEAH!!
起點影返張相先!!

今次呢個路線好似好耐無人行過咁??平時多人行過既唔會咁多雜草
一路行公公, 丈公, 姑婆佢地不停係度研究係咪呢條路
呢頭又話岩啊, 轉頭又話唔記得~~

呢度要爬上去先搵到條路

估唔到今日咁好天, 一路行就一路除衫, 大爺除淨件底衫.

大爺行得多左, 呢家唔怕啲吉吉雜草
無再成日e嘩鬼叫!!

沿路佢真係好忙, 拆走之前行山隊啲樹標絲帶
仲話要拎返屋企駁喺棵聖誕樹度添..

公公話大爺平時行山, 行到高處時會要求停低欣賞下周圍既風景
仲好讚嘆咁講"嘩, 好高啊, 呢度啲風景好靚啊"
 嗯, 真係好識享受!!哈哈~

對唔住, 咁好風光, 我地忍唔住要啜下..!!

努力爬爬爬

唔使去大帽山架, 呢度都有芒草, 仲要無人同你爭影相位

三婆孫

UM...我地又錫!!!WAKAKA

我影得佢兩公孫幾有型!!

上到嚟休息下食下野
呢個大爺好識嘆, 自己一個走去呢度休息 睇風景!!

今次落山條路真係好直, 又多碎石
我都跣低左幾次 , 大爺好啲跣左2-3次..haha
因為我地兩母子都無買行山鞋, 好易跣低..

同大爺落山啲粗重功夫緊係由公公黎啦..XD

呢個大爺見呢個山無人行
喺要停低執石頭掉=.=!!!

見唔到樣既相係最有型..WAKAKA

落完條咁斜既路, 之後條路仲難行
完全係無人行過咁, 啲雜草密到呢...又高
大爺就不停係度話"做乜行呢啲路啊", "我乜都睇唔到啊"
"好吉啊啲草" "啊.........啊........啊"
=.="啊"到公公都叫佢唔好出聲...

終於行到有返條正常少少既路出黎

好開心,終於見返個水塘..HAHA終點在望

到左終點啦!yeah!!