321 HAPPY BIRTHDAY to my BIG BIG Yeah

[BIG Yeah] 5歲啦!

321 HAPPY BIRTHDAY to my BIG BIG Yeah

又一年喇, 又要講句時間過得真係快!

呢個大爺仔話咁快5歲, 真係好唔捨得~ 

5歲既大爺依然係一名開心果, 好鐘意笑

喺媽媽眼中仲係好乖仔,好聽話, 亦好少扭計

不過大爺爸就話你越大越奀皮, 但媽媽覺得大個仔你有自己既己見啫!!

有你呢個仔真係好開心, 好似多左個情人咁

你成日話最鐘意媽媽, 成日都要痴住我, 成日都幫住我, 成日話要保護我

真係覺得你好MAN XDDDD 

((但大爺爸話你裙腳仔, 睇黎佢呷醋))

氹人開心亦有一手, 成日氹到人飄飄然~

好顧人感受, 唔會講一啲令人唔開心既說話

e.g:有次出黎見到朋友個囝囝耳邊生左肉粒, 佢拉我去一邊細細聲問,

驚人地聽到會唔開心

朝早如果嫲嫲湊, 好多時起身就扭計喊, 因為佢鐘意公公湊

一聽到門鐘響, 即係抹眼淚扮無事嗌嫲嫲早晨

驚嫲嫲知道佢唔鐘意嫲嫲湊, 嫲嫲會唔開心

你話大個會養晒所有湊過你既人, 

自己鐘意跑車, 但又話大個買架大7人車載晒所有人去玩

又話大個要做飛機師, 載晒所有人去旅行!!

雖然你大個未必係咁, 但你呢家咁愛你既家人, 我己經好開心!! 

由細到大你都好感性, 講或睇啲分離, 生離死別既事你就會眼濕濕

前幾日訓覺傾計, 同你講人到左好老好老始終有日會去第二個地方

你就己經喊到豬頭, 仲喊住話我己經有幾條白頭髮, 去左第二個地方點養我

((佢覺得有白頭髮就己經老=.=))

今年大個仔, 照顧3個表妹,好有哥哥風範, 好錫啲表妹

成日揇住鍚表妹, 又氹得妹妹咔咔笑

學習方面:

升左K2老師同學都唔同晒, 你好快就適應, 話咁快就有好朋友

今年開始要寫字, 雖然初初你寫到啲字高矮肥瘦乜都齊, 媽媽都有啲勞氣

差不多下學期開始慢慢進步越寫越好,未算靚但都叫整齊既XD

家長日老師都讚你好乖, 好聽話, 醒目仔又識睇人眉頭眼額

朝早交完功課自己活動時間, 會先問過老師先會出去玩

要改善既就係, 有時無乜手尾, 玩完啲野唔放好(平時喺屋企都係咁=.=)

老師給你既評語: 

性格開朗友善, 經常笑容滿面, 喜歡與身邊幼兒作伴玩耍

社交發展較佳,受同學和老師喜愛

語言表達能力良好, 能清楚說出自己的想法及意見

在學習活動中, 充滿好奇心, 常主動表達自己的見解,並能應用己有的知識和經驗,

 回應老師的提問, 表現良好

觀課日見到你好開心, 又有好多好朋友, 上堂又投入

媽媽都好安慰!!

每年都會求其影下生日相, 今年去左海濱公園

但由於個草地太大, 呢個小朋友不停走黎走去, 都叫有幾張見得下人!

大爺近期好鐘意呢套衫, 因為佢話似忍者HAHA

 唔知幾多歲開始會唔俾我同佢影相呢~??

由於21號正日係平日,  所以提早左18號訂左個靚靚蛋糕俾大爺

 今年大爺揀左勞蘇, 隻勞蘇公仔由細陪到佢大, 佢老友黎

勞蘇蛋糕, 好靚啊~~

Happy Birthday to UUUUUUU!!!

祝你身體健康, 繼續做我個乖乖子, 開心快樂!!

好喇!!蛋糕用嚟影完相又收返埋啦~haha!!

留返夜晚慶祝活動, 去大樹先生的家先切!! 

...................待續...................