今篇blog開始要講下我箍牙
一直都想講下, 但係一個字"懶"
呢篇講解一下點解我要箍牙
**下面呢張相係箍牙前**
唔知點解人越大d牙生得越出
塊面又越黎越方, 成個包包咁
直到六年前入黎呢間公司
某個((把口好臭))既同事講"咦....你d牙哨哨地"
自此就有要去箍牙呢個諗頭, 女仔愛靚好正常架嘛
但問過其他朋友...大家一致既答案都係"唔係好覺啫...唔使啦"
由於箍牙真係要起碼兩年時間
時間其實並唔係問題
最重要既係個箍真係好肉酸!!
真係過唔到自己心理關口
自從約一年多前, 我既可惡阿哥成鬼叫我"哨牙雞"
........
日日返到黎都叫我"哨牙雞" (((明明佢自己d牙仲哨過我好多架嘛))
就係佢成日講呀講呀....搞到我下定決心一定要去箍.......
同埋最重要既係----佢竟然先我一步走左去箍,
我挭加有決心!!!!!!!!!!!!!
預告: 下一篇講第一次去見醫生
有冇張哨d既相呀!! 呢張都唔哨既~
回覆刪除[版主回覆08/14/2009 21:41:00]有丫...d側面既相...陸續有黎!!wakakakaka
咪變左我哨lor
回覆刪除[版主回覆08/15/2009 09:47:00]wakakaka..你咪假哨牙law!!
其實我d牙換左恆齒之後都唔靚，尤其影側面相，但我又覺得唔一定要箍，自己係永遠將自己的問題睇到好大…但人地睇又唔係好覺
回覆刪除我覺得你幾靚呀！好多日本女仔d牙都唔靚啦！
[版主回覆08/15/2009 15:11:00]本來都覺得自己D牙都唔係咁大問題, 不過想影結婚相影得靚D..所以做左我一生最大決定!!!