打敗仗

一早起身, 喉嚨無痛喇, 但換來既係喉嚨痕

本來都無乜事, 點知一到下午就係咁咳, 係咁咳, 真係痕死我喇!!!

仲發冷, 長期起雞皮=.=出手汗, 頭重重~

今次真係打敗仗, 今晚唔睇醫生都唔得!!

 

終於捱到放工,

我好醒咁拎左公司件褸走............村巴真係好鬼凍架!!

呢個誇張既造形, 2件外套+一個口罩 ((嗚謝妹妹幫我影相))

 

返到去, 妹妹幫我買粥 ((又再一次多謝妹妹))

我就去診所, 睇下嗌到幾多號!

點知.....嗌到60號!!!!!.我???80號咪有排???

唉...唯有返屋企等...

結果等到9點先到我!

 

醫生幫我度下有冇燒,

真係俾個醫生嚇鬼死" 嘩~~~~~發高燒喎,39,5度喎... 小姐"

((使唔使咁大聲丫=.=))

 

跟住醫生即刻拿拿淋戴返個口罩,

連自己張枱都唔用, 用後面個櫃仔黎墊住寫野

((使唔使離我咁遠丫=.=))

 

跟住量血壓~~"嘩.....128喎心跳, 正常人六十幾咋喎" ......

((噓....做乜又咁大聲))

 

醫生開左三日病假俾我

我只係隨口講".下...三日咁多"

醫生"緊係, 你流感bor, 你返工咪傳染俾人"

丫.............聽日公司做節, 又有翅, 又有鮑魚喎....真係灰爆!!!

返屋企即係啪藥, 迷下迷下咁!!!

手軟腳痛, 周身無力!!