家計會-見醫生

 

今日請左假, 扮病!!

點解扮病???????因為今日約左去家計會見醫生......

又想同埋阿KIT一齊, 所以佢請半日事假, 我就請病假..

公司規定, 一個部門唔可以多過一個人請假!!!=.=

咁唯有我扮病既啫.............

 

起身出門口一落樓下,

見到d診所, 突然間醒起..今日係扮病架嘛...我應該去睇醫生喎!!!

頂~~差d唔記得添!!!即係去左間無乜人等既診所睇=.=

睇完那那淋搭巴士去家計會!!

 

到達!!!

 

姑娘俾左張試紙我地去廁所, 呢張試紙係睇下你有冇糖尿....

我地當然無啦!!!

之後等姑娘叫名拎返上次既驗血報告

我一切正常, 無地中海貧血, 無德國麻診, 無乙型肝炎...兩樣我都有抗體=.=

我幾時打左肝炎針架??

阿比都正常, 不過佢無乙型肝炎既抗體

((所以今日加錢打, $150一支, 要分開打3支))

佢既精子報告都非常正常..WAKAKAKAKAKA!!!

 

拎完報告等見醫生,

醫生又講多次個報告, 問下呢樣o個樣, 跟住就檢查我個body

檢完我就到阿比入去見醫生

=,=佢條友見左好耐, 一出黎笑笑口咁

我當然問佢, 做乜你入左去咁耐既???

原來條友同醫生o入面吹水,

有講有笑, 又講九巴做司機, 又講細細個踩單車斷左手....等等...

唔怪之得咁耐啦!!!某利~~~

報告正常....影返張大頭相.kekeke!!!