睇場-第二輪

睇場先黎落雨, 真係晴天pig pig

己經bk唔到想bk既煌府, 仲要落雨打擊我!!

唔理咁多, 拎左把大遮就出去尖咀

 

行程如下:

尖咀粵海皇廷-->旺角廣華街皇廷-->新世紀皇廷

 

係, 全部都係皇廷!!=.=鬼叫煌府full晒

其實始創彩褔都靚, 但我地唔夠圍數同個min pay

 

黃埔博藝會都好靚, 但係地點方便

親友去真係唔方便!!!

 

好喇, 講下今日行程:

尖咀粵海皇廷

係粵海酒店1-2樓, 一上到去己經好金碧輝煌

2樓個場真係幾好, 夠大, 無柱, 包晒全層!

但唔係我想要既簡約, 白色為主既場, 但佢包既野真係好多

唔收加一, $180任飲, 包一晚酒店等等等等....

呢下真係好吸引我地!同埋地點方便!

 

旺角廣華街皇廷

一去到己經覺得個地點唔夠大體, 好古怪

個場ok, 但係佢包既野無粵海皇廷咁多

因為地點問題, 己經無諗呢度!!

 

新世紀皇廷

由於我地擺十五圍, 俾個細場我地

但個場係彎形, 仲要有兩圍見唔到個主舞台

所以又打消念頭!

 

點知出黎望一望樓上, 有間酒樓幾靚, 新裝修,

上到去原來係鴻星!!!

真係好簡約丫個場, 好鐘意!!!

好可惜, 俾我地既場又係彎位黎, 又係好古怪

又係無得諗...唉!!!

 

返到屋企考慮下, 又問雙方屋企人意見

=.=今次雙方家長都無意見!!

我同阿比都覺得寶勒巷粵海皇廷都ok,

無論地點, 場地, 包既既都ok

唯一一個缺點: 唔係我想要既西式簡約feel=.=我最鐘意白色為主架嘛!

如果佢係白色為主, 真係好perfect!!!!!可惜...可惜.....

不過阿比話宮廷feel都幾特別!!

嗯..好啦!!呢兩日會去落訂..