奶奶衫（己租）

星期六

今日阿比放假，ＧＯＯＤ！！！

難得星期六有得放假，最好搞搞婚禮Ｄ野

今日節目：約未來奶奶睇衫＠元朗

 

去到元朗又係食我最愛既刀削面

未來奶奶都話好味

 

來來諗住睇幾間先決定

點知去到第一間己經失守喇

 

雅麗＠元朗

因為阿比個朋友介紹，所以就去左呢間先

其實都幾多款，同好多色揀，普通款租一條＄５ｘｘ

未來奶奶又高又夠瘦，著旗袍型ｏ個ｄ就岩晒喇！！

本來大家都著手ｄ淺色衫為主，

而我一睇就睇中條黑色釘暗粉紅珠片花（超閃）

噢，奶奶試左，好靚丫！！！

原來件衫要租＄８ｘｘ（連ｄ　ｓａｌｅｓ都話我識揀）

 

之後試奶奶揀ｏ個條淺粉紅色　同埋　ｓａｌｅｓ介紹淺灰銀色

呢兩條租＄５ｘｘ條

但著出黎都無第一條叮一聲ｏ個下，

同埋奶奶都係襯淺色衫無咁靚

 

結果當然揀左黑色ｏ個條啦

 

其實諗住租一條 著一晚算架喇。。

點知。。。個死人ｓａｌｅｓ又拎左條深藍色既出黎

奶奶試左，都好靚喎，個ｓａｌｅｓ仲話可以敬酒送客時著

呢條又係租＄８ｘｘ條

 

其實想睇埋其他幾間，

但奶奶又好似好鐘意咁，唔知點開口話不如睇多幾間先

佢又無話要睇定ｄ先，一黎就問我租呢兩件好無

唔通我話唔好咩！挭係話好。。好。。好。。架啦。。ｗａｋａｋａ

結果我咪乖乖俾錢，兩條都租晒！！

＊＊無帶相機，無影到相＊＊

 

不過算喇，最緊要佢著得開心，著得靚。。。

搞掂奶奶衫喇，又搞掂一樣喇！！

 

。

。

。

。

。

。

。

最近更新:

第二日阿比再同奶奶傾返

都係租一套就OK喇..

嘻嘻!咁另一件遲D搵日帶埋媽咪去轉款先^^

。

。

。

。

。

。

。

。

題外話：　　通常我打ｂｌｏｇ都係有相既。。。。

但今日好失策無帶相機添..

呢篇ＢＬＯＧ無相淨係得字應該好沉悶架喇。。。。

應該無乜人會睇到落尾！！