評分 -專業制作

攝錄呢一part唔係咁著重

都係影大合照, 同影d同standard既相

所以對d相無乜期望, 所以搵左d價錢中等既公司..

我既期望放晒係哥哥幫我影snap shot度

 

專業制作-阿忠

上午+註冊: 90分

晚上: 70分

 

相仲未有得拎, 但都評左分先!!

拎完相再評過!!

 

 

上午+註冊:

全個過程都好滿意, 有禮, 有笑容

一上黎女家就俾我睇返拍攝新郎怖置花車同chok樣既情況

仲同我地有傾有講, 唔錯唔錯!!

媽咪, 奶奶都好滿意

我地只需跟佢指示, 每件事都好順利好快完成

 

晚上:

由於多親戚朋友黎

又要影大合照, 有d親友唔多合作

叫佢坐又唔坐, 推推讓讓咁 ((當時我都開始忟))

個攝影師叫激佢地都唔聽..

亦開始唔耐煩, 少少黑面..

((我覺得佢係專業, 唔應該咁多人面前黑面))

 

到逐圍逐圍影相時

黑面程度加增

((其實當時我都好忟, 有d大年紀既賓客叫激佢都唔願郁))

 

不過總括黎講, 只係黑面呢方面差左少少

佢全晚都好落力影相

起碼我無見過佢偷懶!!