婚禮後記

大日子到依家都過左一個月

打返個後記先

我驚我遲下唔記得!!!

 

當日全日都好順利

 

朝早:

因為全部都簡簡單單進行

所以時間係剛剛好, 無乜甩漏

 

註冊:

因為4:30註冊, 其實真係好早

我地預計都無乜人黎觀禮

點知出奇地....坐滿晒人, 仲有好多人無位坐要企

真係好俾面, 見到咁多朋友突登早黎睇註冊

o個一刻真係好感動!!

 

迎賓:

初初都好輕鬆

到七點半後

俾奶奶d音波功搞到我越黎越暈,

越黎越想嘔

一唔使影相真係要坐底, 休息下!!

我當時幾驚無端端暈底..

((全日最辛苦其實係迎賓呢一part))

 

晚宴:

成個rundown非常之好

其實我乜都無理過, 全部交晒俾兩位朋友mc

我只係負責換衫,頒奬, 影相only..wakakaka

 

晚宴完成後

送晒d親戚朋友兄弟姊妹走之後

開始執野上酒店房

((有我得力助手kit同昌幫手, 真係抵得諗丫佢地, kaka))

 

終於可以休息下喇!!

即刻跳上床, 噢, 好舒服丫!!!

全晚個i-phone係咁響

d朋友真係快手, 己經up晒d相去facebook!!勁....

不過我個人relax唔到

個頭痛到唔係自己, 隻耳仲聽到奶奶把聲..

喉嚨又有少少痛

肚又餓!!!

 

好彩酒樓留俾我地d野食!!

好多盒, 仲有野飲放埋落去....GOOD, 我真係好口渴丫!!

雖然餓, 但唔知點解食唔落野..

 

等阿比食完, 佢幫我落去7仔買左d藥返黎!!

落埋妝沖埋涼就訓lu!!!

阿比就慘, 仲要幫我pack好晒d野, 準備聽日check out!!

 

第二朝:

十一點幾起身, 阿比還衫去蝴蝶樹同VA

雖然好近, 但最後都係搭的士...

我就到一點先起身, 準備check out!!!

 

但都未完, 仲要去永隆還褂

三大袋野當然搭的士

還完再搭返的士返粉嶺

 

返到屋企都未完=.=

放低d野又要出去....就係去元朗還奶奶媽咪衫..

 

仲未仲未完丫...

還完晒, 諗住返屋企休息,

點知旅行社打黎話我個團要取消, 叫我地轉團

結果又要去旅行社, 真係十個灰

((但好彩西歐團取消, 去完東歐, 我覺得東歐好正))

 

 

 

**下一篇-大日子朝早(女家預備篇)**