大日子朝早 (玩新郎)

玩新郎呢part,其實無乜特別!!

因為我太錫住阿比喇...所以得2個遊戲, 仲要係超無難度..

我只係有2個要求俾d姊妹, 等佢地安排.

1) 唔好整亂阿比個頭同塊面 ((佢超貪靚))

2) 唔好食d核突野, 我驚佢肚餓 ((我驚夜晚佢係咁去屎坑))

 

兄弟們事後講返

諗住我地咁癲, d遊戲一定好變態.

點知......."就係咁架咋??"

睇下我對你地幾好!!!

 

大家好期待咁bor!!

((主角唔係d姊妹.....係放係度隻豬......睇佢笑得幾開心))

 

阿比一入黎就得得戚戚...

 

第一個GAME--問答題 ((超簡單))

錯左夾耳仔only...但其實好痛,

因為d夾係新買, 好緊.....我試左一次, 痛屎我...

 

姊妹預備左...仲貼埋我個樣+答案落去..

但點解揀襯d樣都唔多正常....??

 

阿比無乜邊題答岩....

因為, 錯一個字我地都當佢錯...嘿嘿!!

兄弟又點可以倖免呢.....有苦齊齊受丫嘛!!!

 

 

第二個game

新郎哥 -著住條有漬既under...((其實呢個game唔係玩佢))

兄弟們 - 搽唇膏, 做sit up , 咀去條under度

事前預備左保鮮紙包住條褲先.

整dirty條褲真係大件事!!!夜晚仲要著......

 

阿比好似好enjoy咁

我都唔知佢去邊度搵支野插落去=.=...真係不雅!!!

 

見到都覺得嘔心.....究竟d漬係用咩整落去呢??

我到呢家都未問返d姊妹...

 

第一個, 當然係伴郎啦..((阿比哥哥))

每個兄弟都要啜啜..

大家知道要搽唇膏相當唔合作, 要d姊妹禁住佢地黎搽

越啜佢地越變態...=.=明明啜pat pat....連前面都啜埋

OMG!!!!!!!!!!!!!!

 

最重要一環當然係開門利是啦!!

新郎哥玩野.....扮無帶...死都唔拎出黎....

姊妹之一阿KIT仲好慘咁, 俾佢地扯左過去兄弟群中...

竟然咁對我個好姊妹!!

真係想衝出去救佢..WAKAKAKA!!

 

最後咪又係要俾...嘿嘿!!

 

我無安排"愛的宣言" 呢一part

因為我好怕聽到呢d肉麻野!!

同埋我相信佢唔會咁順攤照讀!!

 

所以叫姊妹們, 叫新郎哥真情表白一下..

自由發揮!!!

 

阿比真係唔怕羞架, 睇下佢幾鐘意對住鏡頭就知啦..

我唔記得佢表白左d乜!!

好似....我好愛你丫...你嫁俾我啦...咁上下野...

真係要睇返video先知 ((我呢家仲未收到專業既video囉))

 

萬眾期待一刻!....等待我既來臨...

 

待續....