大日子朝早 (男家敬茶篇) + 即日回門

好喇，終於完結大日子既朝早喇！

下篇到註冊篇喇！大家唔使再睇我著褂咁悶喇！！

 

大日子朝早 (男家敬茶篇)

 

女家去男家只需５分鐘

就係過一條馬路過對面

但。。。由於要行大運。。點到要兜個圈！！

一上車就落雨，咁樣個天係咪叫對我好？？？

 

到男家，要ｏ係門外等一等先，攝影師教緊屋入面ｄ人一陣點做！！

好喇好喇，入得屋喇。。

大家拍爛手掌咁，勁多掌聲好歡呼聲！！

（阿比個舅母開心到，好似想打我咁））

返到去，阿比就大聲嗌＂阿媽阿爸，我返黎喇＂

然後奶奶老爺就出黎喇！

當然黎個擁抱先

（但我唔係好慣。。個頭唔知放去邊好。ｗａｋａｋａ）

兩仔爺又抱下先！！

 

敬茶環節

＊＊都係唔好俾D男家長輩出鏡。。都係遮遮佢地先＊＊

首先 敬茶俾 婆婆 同 麻麻

之後就到老爺奶奶喇!!

 

雖然屋仔細細，但點知原來房入面收埋好多親戚

出下又一個，　出下又一個

間房應該收埋左成十幾個人。。

 

同埋阿比個舅母o個日好落力((好多張相佢都入晒鏡))

連伴娘姊妹遞茶既工作都搶住做

仲有, 指揮工作佢都做埋

不停叫我跪落去, 又不停叫人坐係落梳化

d位置次序完全錯晒...攝影師不停地更正

眼見攝影師都有少少O咀

真係搞到我滴晒汗!!!想點呢??

我又唔可以露出不悅既表情

((但阿KIT都話我表情有少少不耐煩))

 

 

姐姐

呢封好大丫，連入面都有料到架。。嘿嘿！。。。多謝晒！！

 

哥哥

（（我一時間控制唔到自己個樣，ｄ騎呢表情又走左出黎））

 

好喇。。大合照時間！！

 

例牌既啜啜相！！

（阿比個金鏈同件禮服好唔ｍａｔｃｈ）

 

朝早收獲相當豐富

去到男家都有親屬送金器，真係估唔到！！

 

ｄ金鏈同件褂撞晒色，仲要幾條疊埋晒。

要影到咁近先見到

所以豬牌效果會好好多！！

 

幸褔金鏈

 

朝早收獲唔錯。。ｗａｋａｋａ！！好滿足啊。。。

終於完成喇！！

所以親戚兄弟姊妹去酒樓食飯。。

 

我同阿比就即日回門

（ｏ係男家敬茶時，己經吩咐了２個兄弟去取乳豬）

首先返左自己新居回返便服　先再返娘家

我新居同娘家都係同一個屋苑，過對面就係，超方便。

換左媽媽送送俾我既紅色褸。

 

點知一返娘家。。。真係笑屎我！

媽媽原來買埋同一款褸自己著，佢ｏ個件係紫藍色

ＯＭＧ！！佢想同我母女裝啊。。？？

由於時間緊迫，爸爸斬左頭尾就俾阿比拎走

我又由於太肚餓，完全無影到隻乳豬，就起勢咁食食食喇。。

 

 

突然搵返張搞笑既相

好神心既拜神相

WAKAKAKAKA!!!!