15 MAY 2012
今日BK左甘生黎幫大爺整手腳模
本身自己都係淘寶買左啲手腳模粉黎整
但係失敗左, 可能一分錢一分貨
淘寶啲粉加左水攪一陣己經一舊舊
整左兩次失敗就放棄
有諗住出去玩具反斗城買返盒, 不過又驚整衰左又要買過盒.
最後都係搵一黎整
BK左6:00, 不過甘生7:00先黎
可能對上一個BB唔合作, 整耐左
甘生黎度吹左陣水先開始 (阿甘生都幾見談
)
本來大爺瞓左, 吹吹下水佢都醒埋
唯有餵奶鎮定下大爺先
一對手一對腳 + 一隻水晶腳
包相框, 包晒一張相
整好晒啲模甘生會出樓梯口倒模
點解佢唔係屋企倒模???佢話啲藥水大陣味, BB聞左唔好
半制成品 (未上色)
**物料唔係石膏粉黎, 好似話係樹脂, 質料好好, 掉左落地都唔爛**
甘生話大約一個月度完成
26 MAY 己經收到甘生電話己經整好, 寄左順豐,
可以去附近間七仔拎
都唔使一個月有得拎喇....YEAH!!!
制成品
(相框有得揀, 我揀左呢隻銀色)
水晶腳
(其實我覺得應該叫磨沙腳, 哈哈)
咁細隻都幾得意
2012年5月27日 星期日
莊大爺@手腳模
訂閱：
張貼留言 (Atom)
大爺D腳趾有配合交足功課架!!!
回覆刪除[版主回覆05/31/2012 16:08:58]係啊......一隻坳入, 一隻坳出, 好過癮....
嘩! 好正呀~ 貴唔貴架?
回覆刪除[版主回覆05/31/2012 16:09:40]全套$800, 我又覺得OK呢個價錢, 包成功, 自己又唔使煩...
o~原來可以搵人上黎整，gdgd~
回覆刪除[manchi回覆06/01/2012 13:51:18]原來唔係甘易整
[版主回覆05/31/2012 16:10:31]係啊, 我都係睇媽媽會啲人整左幾靚, 我又跟住搵人上黎整..
我自己整左兩次都失敗左..
好靚呀，我又要整！
回覆刪除仲可以揸實拳頭仔～
[版主回覆05/31/2012 16:13:03]整啊整啊, 好得意啊啲手手腳腳咁細...
我遲左整喇, 應該出世無耐整仲細隻.....
嘩,好得呀,估唔到呢門生意有得做,我要叫大發發展吓先~~WAKAKAAKKA
回覆刪除[mc win回覆05/31/2012 20:41:00]我諗緊.....要搵佢上來觀摩一下,不如整大發隻腳啦,佢手大腳大,抵番晒,哈哈
[mc win回覆05/31/2012 20:39:40]我頂爛市,$600~~哼~~
[版主回覆05/31/2012 16:18:08]真係有得做喎, 媽媽會勁多人搵佢做啊, 我諗佢好發架.....
水晶腳好得意吖
回覆刪除[版主回覆05/31/2012 16:17:28]如果佢唔係磨沙面, 真係水晶咁既面就仲正喇...
口華 ~ 女子 青見 口尼 !!! 我都想搵佢整，但 d 時間就唔到 ><
回覆刪除[版主回覆05/31/2012 16:16:14]哎吔, ..咁你遲下會唔會再約佢整啊??
BB啲手手腳腳咁細隻, 越細整越得意...
請問幾多錢呀?
回覆刪除[版主回覆05/31/2012 16:14:44]$800包一對手一對腳, 一隻水晶腳, 相框, 印相
其實800元都ok wor真係
回覆刪除[版主回覆06/02/2012 10:18:25]係啊係啊.....仲包到好好咁速递返俾你, 服務都好GOOD啊..
幾得意喎,都整得幾好呀!
回覆刪除[版主回覆06/02/2012 10:19:07]我都好滿意啊呢套手腳模....
$800 ok wor~~~ 我個fd 都好似搵佢整,好似淨係肯接初生bb ,大d 都唔肯接0家~
回覆刪除等我生左又搵佢先!
[版主回覆06/02/2012 10:21:02]初生B啲手手腳腳細細粒整就最得意.....
800蚊又唔貴喎~~~好OKAY呀!!!!!
回覆刪除[版主回覆06/09/2012 10:03:40]yes yes~~~呢個價錢唔太貴...
整黎留念真係唔錯...
大爺應該好啱著人字拖~~~haha
回覆刪除金色模好靚呀~~~
by笨豬小慧simple
[版主回覆06/09/2012 10:05:19]無錯, 佢啲腳指成日分開...可能細細個佢就要我俾佢著人字拖...