大爺好大汗
每日喊完, 扭完食奶必定出晒汗
唔知係咪咁, 大爺好鐘意沖涼
每次沖涼都一款嘆樣,見到佢個衰樣真係好好笑
真係成個大爺咁款!!!又嘆晒氣....咁咪晒眼咁..
大爺最鐘意爸爸幫佢洗頭同洗面仔
之前大爺仲食緊人奶既時候一日痾十幾篤便便
有幾次沖完涼包毛巾後即痾屎......我同阿比當堂O晒咀...
頂!!!幾想打爆佢個頭....
又要再沖過, 最慘阿比要洗條毛巾嘛..
o個排真係人都癲啊...
呢家轉左奶粉, 一日痾一,兩篤
己經無再係條毛巾痾便便..
沖完成個人爽晒!!!!
唔知係咪太爽, 沖完大爺精神到爆
一定要餵奶迷暈佢先得..
唔係又拳王上身!!!好變態....
食完奶同沖完涼個樣係特別乖..
2012年5月10日 星期四
訂閱：
張貼留言 (Atom)
莊大爺愈大愈肥肥白白，好可愛
回覆刪除[版主回覆05/15/2012 18:49:24]hehe, 大爺食得瞓得, 越黎越肥..
佢隻手真係啖啖肉
回覆刪除[版主回覆05/15/2012 18:49:38]俾你咬返啖喇, 好無??
2個人幫bb沖涼??
回覆刪除[版主回覆05/15/2012 18:50:25]係啊, 因為想快啲沖完, 好驚佢沖緊時, 或者沖完痾便便..
第一同Last嗰張真係嘆到呢~~啲人又話餵人奶冇乜便便嘅？！都唔知點為之啱~
回覆刪除[Kuromi回覆05/16/2012 09:47:49]咁就奇喇。我聽講座同健康院話，滿月前餵人奶一日都係2~3次便便~~不過我都會試下餵
[版主回覆05/15/2012 18:51:08]餵人奶勁多便便, 一日十幾次, 我換片都換到怕怕...
呢家轉左奶粉, 一日一次便便..
好cute ar! 個樣好精神呢
回覆刪除[版主回覆05/15/2012 18:51:43]大爺沖完涼真係精神到爆...仲會發癲...
洗白白個樣真係好歎好爽咁呀...最尾個張好乖仔呀
回覆刪除[版主回覆05/15/2012 18:53:13]佢太大汗, 佢沖完真係爽晒...
嘩~ 大爺好好肉呀~ 你咁快唔餵媽媽奶既?
回覆刪除[版主回覆05/15/2012 18:53:58]係對手同腳好肥美架...哈哈..
係啊, 因為我返工爸爸湊, 早啲轉奶粉等大爺識應下先...
開始肥嘟嘟咁樣啦,好可愛呀
回覆刪除[版主回覆05/15/2012 18:54:13]thanks fanny ee............
個樣真係好嘆呀～～
回覆刪除我都試過一次BB係水入面痾，真係超麻煩！！又好攪笑～～
你冇餵人奶喇？
[版主回覆05/15/2012 18:55:33]我試過一次水入面痾便便, 有幾次係條毛巾度痾...我同老公即刻無奈地對望...
我滿左月無再餵喇, 轉左奶粉...
小儀 EE好想＂咬＂ 佢一啖～大爺洗白白個樣真係梳干都不得了
回覆刪除[版主回覆05/15/2012 18:56:33]哈哈, 好啊..小儀ee黎咬啖我喇!!
宅媽咪:
回覆刪除(第2幅)
大爺: 爸B , D水入眼呀......
[版主回覆05/15/2012 18:57:02]哈哈, 佢爸爸成日都搞到大爺隻眼入晒水架..
haha，真係好得意呀~~~~~~冇爆咁多次屎咁你地應該賢上線素冇咁高啦~~~~~~
回覆刪除by醒目主人simpson
[版主回覆05/15/2012 18:57:36]你說得對, o個時換屎片換到我人都癲....
e?沖涼時洗埋眼呀?我跟醫院另外用棉花球同熟水洗
回覆刪除[版主回覆05/15/2012 18:48:18]唔係啊, 係爸爸唔小心整到啲水去佢隻眼度咋...哈哈..
[Bu媽回覆05/15/2012 18:09:31]我都係 ～～
佢咁鍾意沖涼, 真係乾淨豬bb呢,,,,
回覆刪除[版主回覆05/19/2012 16:09:17]但係沖完無耐佢又再出晒汗....
小B真係好嘆!!!
回覆刪除[版主回覆05/19/2012 16:10:12]佢成日嘆到O晒咀....哈哈...
bb真係好怕熱, 成日成身濕晒, 所以沖完涼佢地應該超爽
回覆刪除[版主回覆05/19/2012 16:11:26]最慘係啲老人家成日驚佢凍, 包到佢實晒, 搞到佢出晒汗....
所以一抱佢返屋企就即幫佢沖涼, 等佢舒服下...
你轉左飲奶粉啦 ？ 我而家半人奶，不過一家要泵出來再餵，ｏｋ累
回覆刪除[版主回覆05/19/2012 16:12:22]係啊, 轉左奶粉喇!!!我泵出黎得好小啊, 所以我索性轉晒奶粉lu!!..
你加油啊, 餵人奶真係攰好多...
勁得意呀!!! 睇佢沖涼個樣真係爽爆呀....冧到呢~~
回覆刪除[版主回覆05/19/2012 16:12:45]佢有時爽到"唉"左一聲出黎, 好似好嘆咁...
大爺而家好可愛呀！
回覆刪除仲要拳王上身
恨死ee啦！
[版主回覆05/19/2012 16:13:51]唔使恨啦...好快你就有個little ball玩喇!!!
我諗你第時個little ball都一定好可愛....
眼仔碌碌咁,放晒生電, 想電死人咩~~~
回覆刪除btw, 好少bb唔怕水, 好多一沖涼就大喊, 尤其要洗頭, 洗完好似打咗場仗咁
by笨豬小慧simple
[版主回覆05/19/2012 16:14:34]嘩, 大爺最鐘意係洗頭.............真係good boy...