每一日大爺都瞓到七點幾度就起身
就算星期日我放假都係咁
唉~~我想瞓晏少少都唔得
上次下水禮, 大爺游完水沖完涼就即瞓左三個鐘,
真係好正, 我都跟佢一齊瞓!!!
諗住今個星期日又帶佢放一放電, 等佢快啲瞓
不過今日爸爸無假放lu!
由媽媽我一個人帶大爺落樓下游水水...
今日游水look --全身骷髏骨
((大爺其實好唔耐煩, 自己一枝箭走左去泳池邊, 俾我捉左返黎影相))
媽媽你究竟影夠未啫, 我落得水未啊????
YEAH!!!有得落水喇~~~~幾開心!!
嘩哈哈!!
我一走去捉佢, 佢就笑到四萬咁口
呢家好興咁樣笑...
見到大爺咁開心, 真係幾攰都要帶你落黎游下水..
放完電, 返屋企同佢沖完涼諗住佢好似上次咁快快瞓著
點知=.=~~~~!!佢折磨到我一點幾先瞓....
不停o係個廳度搞搞震, 係咁開個DVD機....
鬧佢又唔知衰, 仲懶醒咁對住我笑, 話我知佢識開
暗佢又唔瞓, 係要望樓下泳池
結果掉佢去自己張床唔理佢, 自己碌下碌下就瞓著左了!!
係摺住黎瞓, 可能想一路聞住隻臭腳一路瞓
嘻, 與蛇同眠.
2013年6月13日 星期四
兩母子游水去
訂閱：
張貼留言 (Atom)
大爺真係好鍾意游水,好開心咁喎!
回覆刪除[版主回覆06/18/2013 15:13:16] 佢好鐘意玩水水
佢條骷髏骨好靚呀。。。佢都好吖，肯企定定，比小檬已經走咗去喇
回覆刪除好開心呀。。我地都未下水添
[版主回覆06/18/2013 15:14:04]小檬幾時下水禮啊??? 呢家好好天喇, 快啲去喇~~~~
你好堅呀，一個人湊大爺出去仲要去玩水添，我暫時只係單拖帶阿女搭程車架咋
回覆刪除[版主回覆06/18/2013 15:14:57]因為爸爸星期六, 日都要返工, 所以我都慣左放假自己一個人帶大爺周圍去...
一個人帶BB落樓游水之餘, 仲可以影埋相, 真係好勁!
回覆刪除[版主回覆06/18/2013 15:16:48]因為見到大爺上次游水水好開心咁, 見佢咁開心, 我就硬著頭皮都要帶佢落去..
好彩佢都好合作, 無亂黎...
大爺游水個樣真係好開心
回覆刪除[版主回覆06/18/2013 15:17:56] 估唔佢咁開心, 呢家要再準備多啲游水玩具帶落去俾佢玩
大爺同條蛇一樣post
回覆刪除[版主回覆06/18/2013 15:19:14] 瞓到軟皮蛇咁....
大爺著左人字拖個造形好型仔呀
回覆刪除佢好鐘意玩水,落到水時笑得好開心
[版主回覆06/18/2013 15:19:46]哈哈, 呢個造型著得一陣, 佢對人字拖都係大左少少, 成日甩鞋...
我係超鐘意BB著人字拖呀~ 可惜晉豬真係太細, 未著得住~
回覆刪除下次帶大爺黎一齊游啦~
[版主回覆06/18/2013 15:20:22] 好啊好啊, 快啲約快啲約....
大爺真係好like游水水喔~仲肯擺定post俾媽媽影相相~好叻叻啦~
回覆刪除[版主回覆06/18/2013 15:21:00]就係影完個張又走鬼左去喇....哈哈!!
大爺好中意游水水wor ~~~
回覆刪除[版主回覆06/18/2013 15:22:01]笑到張張都見唔到粒眼珠..
大爺好喜欢游水呀，笑到好开心，返到屋企又掛住泳池！
回覆刪除他摺埋瞓觉姿勢好cute！
[版主回覆06/18/2013 15:22:50]佢呢家一係房就爬去窗度要睇人游水水...仲睇好耐添
大爺玩水水個開心樣好可愛^o^
回覆刪除[版主回覆06/18/2013 15:24:04]多謝 啲bb笑起黎真係好可愛....
一路聞住隻臭腳一路瞓 <---
回覆刪除一個人帶bb去游水真係好challenging, 尤其係善後工作...不過見佢笑到咁開心, 乜都抵番!
[田鼠b回覆06/20/2013 17:04:31]我都係, 每逢放假帶住田鼠b周圍去超開心. 但第二日就攰到散晒! 帶著疲累的身體番工
[版主回覆06/19/2013 10:18:51]所以一放完假返工個日成身俾人打咁, 周身骨痛....
係啊, 佢笑到咁開心, 真係乜都抵返晒.....
對人字拖好得喎，邊度買呢?
回覆刪除[版主回覆06/21/2013 13:14:30]o係old navy訂返黎架
大爺有得游水即刻開心晒啦 =)
回覆刪除係啦, 有時想d bb訓晏dd先起身都唔得, 佢地好準時架!!!!
[旻回覆06/25/2013 09:50:50]bbb係6點起身........我真係想打暈我自己!
[版主回覆06/24/2013 14:49:25]大爺好鐘意游水水啊...
啲BB如果瞓啲, 八點幾後起我都OK架, 總之瞓得晏過返工, 我己經心滿意足喇...
嘩..媽媽可以單拖帶大爺去游水, 好勁呀!
回覆刪除[版主回覆07/31/2013 11:24:30]落樓下平台游好近, 一個人都應付到, 游水就咁抱返佢上樓沖涼...
如果去出面啲泳池, 我諗我一個人都搞唔掂...