炎焱夏日下水禮

2 JUN 2013 夏水禮

三十幾度大熱天時最岩就係帶大爺去游水喇!!!

上年大夜仲細啊, 無帶過佢去游水

今年大個仔喇, 所以未到夏天己經幫大爺買好游水裝備...


大爺朝早七點己經起身=.=!!每個星期日想瞓耐啲都唔得既

我煲完粥執埋野就帶大爺落樓下游水水水喇!!


大爺青蛙LOOK 

留意到無著褲嗎????  我搵左成晚都搵唔到條褲啊, 真係美中不足啊...

我己經拿拿淋買過第二套了, 下次游水可以有褲著喇!!哈哈~~~

咁岩爸爸今日放假, 可以一齊去游水水

睇下大爺幾開心
 

佢真係心情好好, 一路行去泳池途中見到啲路人甲,乙,

係咁同人地SAY HI, 又拍手


好坐定定浸下腳先

其實佢坐唔夠幾秒, 就係咁坳腰申腳要落水


好喇好喇!!戰艇出遊

一落水完全失空, 興奮到爆啊!!不停走行黎行去...

好難捉到佢影相

唯有拖佢去深水既地方, 佢對腳掂唔到地先乖乖同我影相

見到佢咁開心, 我就計劃帶多啲佢去游水喇!!!

哎, 咁開心, 媽媽幾眼瞓....登一聲精神晒喇!!!

呢隻艇都會反, 大爺為左執隻duck duck差啲反, 好彩我扶返正佢

不過佢己經飲左啲泳池水, 係咁咳....((今日飲左3次))

有冇見到個泳池無人....wakakaka....晨早八點應該啲人未起身..

九點喇, 終於有小朋友落黎喇, 大爺仲走去池邊玩人地啲玩具

俾啲小朋友追住用水槍射都唔驚, 仲好開心添=.=!!被虐狂~~~

游左差不多一個鐘, 見大爺打冷震就閃喇!!

費事冷病, 唯有下次帶佢落黎玩啦!!


返到屋企, 沖埋涼, 大爺己經攰到瞓左

((好少可咁早又瞓返, 平時成一點幾先瞓晏覺))

好喇, 咁我又即刻跟住瞓..HOHOHOHO!!



瞓左兩個幾鐘食埋粥粥又出街街喇!!!

到爸爸媽媽醫肚

同佢去食飯真係好煩, 佢係要搞枱面啲野, 唔俾佢搞又要落地

又唔可以係街大聲鬧佢 ((有失我斯斯文文既造型架嘛))

食飽, 節目就係去遊戲室

清潔中, 等入場

精力幾旺盛, 仲不停拎啲一舊舊積抬黎抬去