OCT 13 2013
大爺契MAMI生日, 我地揀左BBQ慶祝
次次都去大尾督燒烤王, 今次試新野
去左附近既"巴希雅"
同啷啷咁耐無見, 握個手先
契MAMI仲帶埋大爺最愛既汁汁黎
cheers~~~~~~~但...啷啷放錯位wakakaka
大爺話"喱"埋~~~~=.=!!係人都見到你啦...
呢間係串燒形式
湊住兩個細路如果想坐定定拎住枝燒烤叉燒都幾難
每枱送既, 一煲蜆, 蝦, 同金菇
其他都任食既, 種類都好多!!唔錯!!
今日假期, 每位$168
唯一一個缺係入面無乜地方俾兩隻野走黎走去
行去石灘又要行返出去過條馬路先得, 唔係咁方便!!!
呢兩隻野無時停
食到咁上下帶佢地去石灘玩下
叫佢地拖住影張相
啷啷好主動拖大爺, 大爺就死都唔肯拖, 最後仲逃走
大爺"船船啊"
好搞笑, 一嗌佢地望晒過黎既呆樣
今日天氣都唔錯啊, 有涼風, 好舒服!!
大爺對啲船好有興趣
大爺與我
大爺係咪以為去左沙灘, 係要拉我行出去!!
另外, 不得不提
大爺爸個日出門口, 見我同大爺換左波點衫
佢一見到就好奸咁對住我笑完就入房
原來..............佢.....
靜靜雞買波點衫同大爺親子裝
好搞笑wor papa!!
回覆刪除奸爸爸......靜靜雞!!
刪除cheers o個張同六連環圖o個張都好搞笑﹗大爺同爸爸親子裝好型呢﹗
回覆刪除睇住佢兩個啲動作真係好搞笑...
刪除大爺爸o個日著住親子裝好得戚
哈哈..爸爸唔買多件俾你咁衰架!! :p
回覆刪除嗚~~~佢話無女裝...T__T
刪除兩個bb戴左帽好型仔呀!
回覆刪除大爺咁錫伙, 唔洗靠母子裝都贏晒 XD
咁又係, 大爺最愛係媽媽...WAKAKAKA
刪除巴希雅我都想去試下呀~~~
回覆刪除去啊, 我覺得都OK喎!!!
刪除爸爸好奸呀，哈哈哈！
回覆刪除兩個b都肯帶帽好乖呀！
大爺自從睇完barney套dvd, 佢最愛既結他叔叔帶帽, 佢就唔抗拒帶帽喇~~
刪除我好耐都冇bbq了……
回覆刪除湊住bb好難去bbq~~~
刪除嘩﹗爸爸好古惑呀﹗
回覆刪除咪係囉, 靜靜雞買親子裝.....
刪除兩個小朋友都好型仔呀。爸爸都好貪靚下
回覆刪除大爺爸本身真係好貪靚架~~~XD
刪除父子裝好正呀!!!!
回覆刪除雖然父子裝我都覺得好正, 但我唔抵得佢唔買埋俾我..WAKAKAKA..
刪除我決定自己買返套母子裝....嘿嘿~~~
大爺爸好搅笑又古惑呀！
回覆刪除我地都想去bbq，但怕太熱呀，又怕小朋友周圍走，点到個爐就危险啦！
燒烤王，ok嗎？
燒烤王啲野食OK架, 中間又有空地俾小朋友玩, 仲有條路可以落石灘玩
刪除