321 BBS X'MAS PARTY 2013

繼續密密寫blog!!!

26 DEC 2013

321 BBS X'MAS PARTY 2013

我地呢班321媽媽好團結, 一到大時大節就搞個大PARTY出黎聚聚

真係多謝幫手出力既媽媽

我好多時都自己一個人帶住大爺去參加PARTY, 真係分身唔到幫手整野

由於時間12-4, 好早, 又要去康城, 好遠

又唔想拎咁多野出去, 11點提早餵完大爺食粥就出發

今次同另一個媽媽一齊搭的士去!! ((因為懶得搭巴士又轉地鐵, 好攰))

WOO....好多氣球啊~~~

今日唔使WARM UP, 一去到見到咁多氣球己周圍走..

仲有人黎扭波波俾啲小朋友, 好靚啊!!!

呢個女仔, 同大爺個中文名差一個字

我同佢媽媽都好有緣咁

讀同一間小學,後尾仲發現同一個髮型師剪髮添..XD

大爺去到見到啲車車己經坐住無落過地

不過好彩叫佢讓其他人玩, 佢都肯落黎!!!

但一見人地走開左, 佢就一枝箭咁衝去坐..XD

睇下, 車無離身架佢..

好多張相都影到佢坐住架斑馬車

佢咬完一啖, 苦晒口面咁對住我..WAKAKAKA

又成日O係走廊度玩!!

ETHAN同佢好夾, 都係鐘意O係走廊玩同坐車車

企鵝大爺!!

食野前黎個大合照先!!

好有聖誕氣氛既CUPCAKE

仲有每個321BB既人名係度!!

大爺既係聖誕樹

佢好心急想食, 但我迫佢企定定扮返隻企鵝個樣先俾佢食, 嘿嘿!!

睇下佢個樣幾唔情願!!

好喇好喇, 唔玩你喇!!俾你食啦~~

"唔~~~~YUMMY YUMMY"

點都要O係聖誕樹度合照下先

仲有吹咇咇玩!!

好喇, 開始遊戲時間喇!!!

大爺俾抽中玩兩個遊戲, 第一個係傳紙球, 鬥運得多

媽媽只可以幫手另一邊放紙球, 之後就靠大爺自己喇!!!

我幾驚佢傳傳下走左去, 好彩都無, 跌左紙球又會執返放好,玩到夠鐘

大爺得到第二名, 有個安慰奬..HAHA~都好叻仔喇~~

第二個係鬥快拎返自己對鞋, 返媽咪度, 再著埋對鞋先算WIN

大爺俾我除左對鞋, 放左對面, 己經好心急要去拎返

所以我實知道佢好快會搵到自己對鞋返黎KAKA

一講開始, 大爺己經跑去搵返自己對鞋

大爺最後都係第二名!!!兩個遊戲都係第二名~

交換禮物時間, 好彩換個份唔大舊...可以放埋落背包

((因為太大份我抽住係手, 又咩住背包, 又咩住大爺, 真係好呢HEA))

咁就過左一個開開心心既下午喇!!YEAH!!!

夜晚大爺又要跟我地去第二場

好彩近近地,同大爺爸都一齊, 唔係我一定虛脫

呢隻貓今晚好尋, 俾大爺追住玩

隻貓都唔SHOW佢, 仲搞人, 仲要追到人地入房

要隻貓貓入紙箱, 又要閂埋個蓋, 好慘慘隻貓

今晚呢餐好豐富, 有我最鐘意既野食..WOHOHOHO

仲有好大隻火雞!!!

牡丹蝦都咁鬼大隻!!

呢間野唔錯, 下次可以再食!!!