28 DEC 2014
上一篇講FAMILY DAY黎個"海"+"陸"一天遊之後
當晚321whatsapp group有媽媽話自己個bb嘔
當時我都唔為意, 點知越夜又多兩,三個開始嘔
但大爺個時食飽飽沖埋涼瞓左了, 應該無事啊..
到我十一點幾入去瞓, 就一路望住佢, 睇下佢有乜異常反應
佢又瞓得好好
點知個電話不停震, 又開始又有兩個嘔喎!
我又望下大爺, 望下望下, 見佢無端端咳..跟住仲想嘔咁既樣
即刻抱起佢拎個垃圾筒俾佢嘔 ((可惜我唔夠佢快, 己經有少少嘔左o係張床))
個group成晚真係震不停, 大爺之後, 陸陸續續有bb都嘔
我就全晚都無瞓, 見佢想嘔我就拎個垃圾筒出黎
大爺呢晚嘔左起碼十幾次, 嘔到臨尾無野嘔, 連黃膽水都嘔埋
我o係佢唔嘔既時候就whatsapp同其他媽媽了解下佢地既情況
本來半夜想帶大爺去急症, 但有媽媽去到要等好耐, 睇完又淨係塞止嘔藥
同埋醫生話嘔清晒就無事
而我到三點幾都開始嘔 =.=!!
初頭大爺嘔仲有精神同我講
"拎紙紙, 抺咀咀啊~~好臭啊"
"又話"唔要垃圾筒"
=.=!!係...嘔都咁多野講
之後嘔到臨尾太攰, 所以一嘔完就瞓, 嘔完又瞓
不得不讚佢, 全晚佢無扭計同無喊.
我諗如果佢又扭又喊, 我會即刻帶佢去睇急症
所以最後我地朝早六點先去睇急症
其實大爺嘔到五點幾己經嘔得無咁密, 不過一飲水又即嘔
都係睇睇拎定啲藥旁身好啲!!
嘔到攰既慘慘樣!!
去左那打素急症, 無乜人, 坐唔夠幾分鐘就有得睇
一去到佢見到部賣零食機, 就不停話要食餅餅
塞左止嘔藥, 要等一個鐘之後飲水唔嘔先走得
佢己經攰到又瞓埋
去到急症室後大爺己經無嘔過了,醫生都放我地走
而大爺就俾爸爸帶左去嫲嫲度湊住先
我要返屋企好好休息,成晚無瞓過, 又想嘔又暈暈地, 周身酸痛
而大爺爸又要清理現場
最後我地總共有16個BB + 10大人都有事
我地都覺得要打去衛生處報左案先
佢地都有去到薈同clubhouse度檢查
唔知呢兩個地方邊度有問題!!!
所以大爺29號無出席BLOG BB既X'MAS PARTY
要好好O係屋企休息下
嘩...咁多bb同大人都有事, 似乎係d食物唔乾淨食錯野啵!!
回覆刪除好彩...大爺都好乖, 就算唔舒服都唔係好扭計, 乖仔~
我地都唔知係咪食物出事, 因為有2個bb都無食都有嘔...
刪除大爺今次真係抵讚....如果唔係我漏夜要飛的去睇急症..
邊間到會? 食物出現問題機會大啲...
回覆刪除"五餅二魚"啊~~~呢間之前我地都有嗌開架都無事
刪除成日嘔真係好辛苦！陰公豬喇！不過好在大最爺冇扭，唔係你哋仲辛苦喇！乖乖大爺！
回覆刪除下次再玩過！
見佢嘔到咁真係好慘慘~~~
刪除係啦, 一定仲有機會見到大家既~~~
好彩大爺乖無扭咋，唔係大人細路都辛苦﹗
回覆刪除今次大爺真係乖仔.....我半夜都嘔埋, 如果加埋佢又扭又喊, 我應該人都癲...XD
刪除集體食物中毒呀... 真係嚇C人! 好在後尾大人細路都無事~ 大爺真係乖, 咁辛苦都唔扭計~~
回覆刪除係啊, 好彩痾清晒無事, 唔係咁多BB都中左招真係好大件事...
刪除